ВЕЧНА ДИЛЕМА: До кога бебето треба да спие во соба со родителите?

Ова е вечно прашање на кое многу нови родители бараат одговор, а се чини дека конечно го добивме. Дознајте кога вашето бебе е подготвено за своја соба.

Мајките и татковците често имаат дилеми за тоа кое е најдоброто и најбезбедно, а воедно и најпрактично место за спиење на бебето. Но, мислењето на стручњаците на оваа тема е поделено. Според Американската академија за педијатрија, детето би требало да биде во соба со родителите најмалку во првите шест месеци, а идеално е до 12 месеци.

Според педијатрите, причината е тоа што до навршените 12 месеци, детето е во емоционална фаза на приврзаност, на апсолутна соединетост со родителот чија присутност гарантира сигурност, заштитеност, преживување и љубов.

“Со влезот во процес на емоционална сепарација – значи во периодот во кој нормално настапуваат периоди на продолжено телесно раздвојување, детето можен без последици да ја помине ноќта во своја соба. Секако, ако во текот на ноќта се огласи, родителот треба да се јави и да интеревенира“, објаснуваат педијатрите.

Од друга страна, истражување довело до нови информации. Се покажало дека бебињата кои спијат во одвоена соба веќе со навршени четири месеци од животот, всушност спијат подобро и подолго. Освен тоа, поголеми се шансите да бебе кое на таа возраст почнува да спие во одвоена соба, создаде доследна рутина на одење на спиење до 20 часот. Бебињата кои делеле соба со родителите до навршување на девет месеци, биле сколни да си легнуваат подоцна. Притоа, за родителите кои делат соба со бебе на возраст од четири месеци, поголеми се шансите да го “префрлат’ бебето во својот кревет во текот на ноќта, во споредба со родителите чии бебиња на таа возраст спијат во одвоена соба.

Но, како тогаш да се знае кога е вистинско време за одвоена соба?

Со оглед на поделените мислења и натаму е најдобро родителите сами да проценат како “диши“ нивното бебе и што најдобро функционира за него. Ако е тоа возраст од четири месеци и бебето без проблем се привикнува на одвоена соба – одлично, но ако сепак тоа не му одговара, тогаш одложете го одвојувањето за некое време.