Сексот не е опасен за мајката, ниту за бебето
Секој пар е приказна за себе, па проблематиката не може да се генерализира – многумина во бременоста имаат одличен секс, дури и подобар до тогаш, додека други цело време апстинираат. Едно е сигурно, водењето љубов во текот на тие девет месеци не е опасно, нитупо мајката, ниту по бебето, секако под услов бременоста да е нормална, без ризици и да постои желба кај двајцата парнери. Ако се се одвива како што треба, сексуалните односи може да траат се до почетокот на трудовите болки и прскање на водењакот.
Блискост помеѓу партнерите
Во првото тромесечје жената може да има проблеми да се навикне на новонастаната ситуација. Може да има мачнини, главоболка, нагон за често мокрење и повраќање, постојан замор, па во тие околности ретко кој помислува на таквоо задоволство.
Многу е важно во првите три месеци да се зачува блискота помеѓу партнерите, оти мажот може да се чувствува беспомошно, па дури ии отфрлено. Сепак, тој на жената треба да и пружи доволно разбирање, нежност, топлина и љубов, а таа тоа треба да го цени.
Посилен оргазам
Второто тромесечје е најдобро за идната мајка. Тоа е така, оти организмот се навикнал на бременоста, мачнините исчезнуваат, опасноста од спонтано породување се сведува на минимум и жената одлично се чувствува. Матката расте и полека се обликува абдоменот на жената, но тоа не значи дека сексуалните односи ќе бидат непријатни.
Желбата за секс варира – кај некои воопшто ја нема,а кај други е зголемена поади хормоналните промени. Некои жени тогаш по прв пат доживуваат оргазам. Но, ова е период кога таткото почнува да се грижи – дали ќе го повреди бебето, може ли бебето да види што се случува внатре.
Се поголем и поголем стомак
Во третото тромесечје, водењето љубов може да биде чудно и непријатно кога сте се поголеми и поголемиот стомак почнува и да се “движи“. Може да се јави и одбојност кај едниот или другиот партнер. Доколку парот нема предрасуди, може да продолжи со сексуални односи, да истражува нови пози.
Докажано е дека женскиот оргазам може да предизвика контракции. Пред самиот крај на бременоста, внимателноста е од пресудно зналење, оти грлото на матката се стеснува и почнува да се отвора. Тогаш задолжително консултирајте гинеколог.
