До 9. месец, повеќето бебиња развиваат фина моторика. Тоа се мали, прецизни движења што му се потребни на детето да ја зема храната со прсти или да фаќа некои други работи. Тоа ќе го забележите по тоа што детето само сака да држи нешто со показалецот и палецот. Ова е таканарачено ‘пинцетено фаќање’.
Кога ќе почнете да го учите детето да јаде со прстиња, воедно го учите и на самостојност и здрави животни навики. Детето на овој начин добива контрола над тоа што го јаде, но и колку јаде.
ШТО ТРЕБА ДА ЈАДЕ БЕБЕТО?
Можете на детето да му давате се она што ќе го подготвите и за вас. На пример, тиквици, само малку подолго варете ги да бидат помеки. Потоа, храната исечкајте ја на ситни парчиња. Така може да му давате банана, убаво сварени тестенини, иситнето пилешко месо и слично.
Пред да му дадете на детето да јаде храна во парчиња, поставате си неколку прашања:
- Дали се топи во уста?
- Дали е доволно варено?
- Дали е доволно меко?
- Дали е доволно иситнето?
Можеби детето ќе одбива да јаде само, но не се откажувајте. Нудете му почесто, па полека ќе прифати поинаква текстура на храната. Некои деца, на пример, едноставно не ја сакаат текстурата на месо. Затоа, можете да почнете со убаво сварено месо, како мисиркино.
Не го принудувајте и не го форсирајте детето, но нудете му често. Имајте предвид дека се потребни 10 и повеќе пати за детето да прифати нов вкус.
КОЈА ХРАНА ТРЕБА ДА СЕ ИЗБЕГНУВА ВО ПАРЧИЊА?
Постојат некои намирници што можат да доведат го гушење и сериозно да се загрози животот на детето. Тоа се:
- Тврдо овошје и сурови парчиња зеленчук
- Грозје, боровинки, шери домати
- Јаткасти плодови, семки
- Путер од јаткасти плодови
- Цели кобасици и виршли
- Слатки и бомбони
- Пуканки, грицки
На детето на оваа возраст немојте се уште да му давате слатки, дури и ао вкусот му се допаѓа. На детето му е потребна здрава храна богата со нутриенти, а не празни калории што се наоѓаат во слатките и грицките.
