Европската агенција за лекови објави дека „придобивките од вакцината на Астра Зенека ги надминуваат ризиците“ и дека „вакцината е безбедна и ефикасна“.
„Донесовме заклучок. Ова е безбедна и ефикасна вакцина. Не е поврзана со згрутчување на крвта. Препорачуваме појасно да се истакнат можните несакани ефекти, а ќе започнеме и дополнителни истраги за овие ретки случаи“, рече директорката на ЕМА, Емер Кук.
За потсетување, Комитетот за безбедност на ЕМА направи детална проценка на малиот број случаи поврзани со појава на згрутчување на крвта до кои дојде кај лица кои претходно ја примиле вакцината на АстраЗенека.
Заклучокот на ЕМА доаѓа откако повеќе земји престанаа да ја користат вакцината поради страв дека предизвикува згрутчување на крвта.
