Жена од Белгија била позитивна на алфа и бета верзијата на вирусот SARS-CoV-2, односно варијантите кои првично беа идентификувани како британски и јужноафрикански сој. Починала во март 2021 година и не била вакцинирана.
Лекарите кои се занимавале со нејзиниот случај веруваат дека таа била заразена од две различни лица.
Ова е прв пријавен случај на двојна коронавирусна инфекција. Иако ваквото сценарио е исклучително ретко, сепак тоа е можно, а случајот ќе биде тема на овогодинешниот Европски конгрес за клиничка микробиологија и инфективни болести.
Лекарите во Португалија неодамна лекуваа 17-годишен пациент, кој се заразил со друг сој додека се опоравувал од првичната инфекција со Ковид-19
„И двата соја со кои била заразена циркулираа во Белгија во исто време, па можно е жената да била заразена од две различни лица. За жал, не знаеме како се заразила. Живеела сама, но во домот и влегувале разни луѓе кои се грижеле за неа. Тешко е да се каже дали двојната инфекција со овие соеви имала влијание во забрзаното влошување на нејзината состојба“, изјави истражувачот д-р Ана Ванкерберген од болница во белгискиот град Алст.
Бразилските научници во јануари годинава објавија дека две варијанти на вирусот биле потврдени кај две лица, од кои едниот сој бил гама, познат и како бразилски сој.
Лекарите во Португалија неодамна лекуваа 17-годишен пациент, кој се заразил со друг сој додека се опоравувал од првичната инфекција со Ковид-19, пишува „Би-Би-Си“.
