Вртењето на бебето на стомак му помага да ги развива мускулите, за подоцна да може да продолжи со развојот и да научи да се врти, да лази. Исто така, стручњаците сметаат дека ова во голема мера го намалува ризикот од ненадејна смрт кај дете, бидејќи тоа само учи да го подига горниот дел од телото.
Важно е секој ден бебето да поминува одредено време на стомак. На тој начин ги јакне мускулите на вратот, рамена, стомакот, а ќе се подготви за сите следни чекори во развојот. Покрај тоа, додека е на стомак, бебето запознава нови текстури, допира различни материјали и добива поинаква перспектива.
Кога е време да се стави бебето на стомак?
Со вртењето на бебето на стомак може да почнете веднаш по доаѓањето дома. Колку побрзо почнете, бебето полесно ќе ја прифати оваа активност како нормална. Вретете го на стомск два или три пати дневно по 3-4 минути. Кога бебето ќе почне да ужива во ова, можете да го продолжите времето. Сепак, кога бебето ќе јаде, почекајте да помине најмалку половина час пред да го ставите на стомак.
КАКО БЕБЕТО ДА ЈА ЗАСАКА ДА ЛЕЖИ НА СТОМАК?
- Ставете играчки наспроти детето, ќе бидат интересни да ги гледа. Кога малку ќе зајакне, ќе сака и да ги дофати. Избирајте играчки со примамливи бои, од кои се слуша музика и слично.
- Ставете го бебето пред огледало. Кога во огледалото ќе види друго бебе, бидејќи за себе не е свесно, тоа ќе се израдува и заинтересира.
- Ставете го бебето на вашите гради, задолжително придржувајќи го со рацете. Вие сте најважната личност за детето, па ќе сака да ја подигне главата да ве види.
- Постарото братче или сестра може да легнат наспроти бебето, а тоа едвај ќе чека да го подигне погледот кон нив.
Било кој совет и да го примените, бидете сигурни дека бебето е безбедно. Никогаш не го оставајте само додека лежи на стомак. Имајте на ум дека колку и да е важно лежењето на стомак, никогаш не го оставајте бебето да спие во таа положба. Секогаш треба да лежи на грб или на страна.
