Зошто не треба “бебешки“ да им зборувате на децата

Децата од предучилишна возраст реагираат најдобро кога им се зборува на нивно ниво – гледајќи ги во очи кога зборуваме, користејќи соодветен јазик, како и користење на побавен и насочен говор, повторувања и разиграна реторика.

Децата од предучилишна возраст имаат многу таленти, но читањето на намерите на луѓето е она што особено добро им оди. Тие знаат кога некој не е искрен или користи претерано сладок или бавен тон, или кога со нив зборува некој кој не ги разбира. Вистина е дека повеќето луѓе кога зборуваат со бебињата го менуваат тонот и начинот на говорот.

Доенчињата реагираат на побавен говор и повисок тон. Но, како бебето расте, и јазикот што го користите со него, мора да расте. За сите деца кои се постари од 18 месеци, бебешкото – разгалено зборување може да им звучи несоодветно.

Важно е да не го извртувате вашиот говор при разговор со мали деца. Покажете им дека ги почитувате. Низ таков разговор и децата побрзо ќе го научат вокабуларот.

Децата од предучилишна возраст реагираат најдобро кога им се зборува на нивно ниво – гледајќи ги во очи кога зборуваме, користејќи соодветен јазик, како и користење на побавен и насочен говор, повторувања и разиграна реторика.

Искреноста со децата значи и да се признае кога ќе им се кажат работи кои не сме ги мислеле поради стрес или фрустрираност. А постои ли подобар начин децата да се запознаат со искрените, вистинските чувства, од покажување токму на тие чувства, но и покажувањето како да се справи со нив.

Никогаш не ги потценувајте децата – тие добро знаат кога грешите. Важно е децата да сфатат дека возрасните луѓе, кога работите ќе тргнат на лошо, имаат сопствени проблеми и грижи. Дозволете им на децата да видат дека немате одговор на сите прашања, покажете им дека сте отворени за учење и развивајте се заедно како семејство кое меѓусебно се почитува.

Тоа е дополнителен бонус за искрен разговор со децата на предучилишна возраст: тие ќе растат знаејќи како да комуницираат со почит. Кога ги подучуваме децата да не се согласуваат, но покажувајќи почитување, сме ги научиле како да објаснат и да ги поддржат своите агрументи без испади на бес и вриштење.

Затоа, следниот пат кога ќе сакате да зборувате со своето дете на бебешки јазик – откажете се.