4 НАЧИНИ КАКО УСПЕШНО ДА ГИ ИЗБРИШЕТЕ ДЕТСКИТЕ ШАРИ ПО ЅИДОВИТЕ: Масни и дрвени боички, пенкало и фломастери

Децата сакаат да цртаат, бојат или само да шараат. Иако тоа во градинка учат да го прават на хартија, верувајте, најголем предизвик им се белите ѕидови.

Децата сакаат да цртаат, бојат или само да шараат. Иако тоа во градинка учат да го прават на хартија, верувајте, најголем предизвик им се белите ѕидови. Толку се примамливо чисти и како да повикуваат вашиот мал креативец да остави некаква трага на нив. И додека вашето дете е сомнително мирно и тивко, во некој агол си игра и има време за себе, голема е шансата да прави нешто што вам нема да ви се допадне.

Но, трагите на овие недозоволени работи не можат да се сокријат. Ако ѕидот е исшаран, сам нема да се исчисти.

Затоа, ова се 4 ефикасни начини како по креативните активности на вашето дете, ѕидот сепак да го доведете во чиста состојба.

  1. Трагите од масни и дрвени боички или молив можете да ги отстраните со бела паста за заби. Со хартиено марамче на “цртежот“ нанесете слој од пастата за заби, а потоа со чист, влажен сунѓер исчистете.
  2. Во сад ставете вода и сода бикарбона, па користејќи четка за заби, нанесете за шарата. Оставете да делува неколку минути, па избришете со влажен сунѓер.
  3. Неколку капки кокосово масло ставете на сунѓер и со него тријте ги трагите од мрсни или дрвени боички на ѕидот. Потоа избришете со чист и навлажнет сунѓер.
  4. Алкохолен оцет ставете во сад. Земете парче ткаенина потопете ја во оцетот и тријте ги шарите од ѕидот додека не исчезнат.