РЕЦЕПТ НА ДЕНОТ: Најдобра салата готова за 10 минути – идеална е за топлите летни денови

За време на високите температури, многумина се стремат кон полесна и поедноставна исхрана. Идеалното јадење за топлите денови е, меѓу другото, салата од кускус со зеленчук и зачини по ваш избор. Таквата салата може да биде идеална ужина или ручек кој е готов за околу 10 минути.

Потребно:

  • 200 г кус-кус
  • 250 мл топла вода или бујон
  • 1 пиперка
  • 1 краставица
  • 10 шери домати
  • 3 лажици маслиново масло
  • 1 сок од лимон
  • Сол и бибер

Подготовка: Прелијте го кускусот со топла вода или бујон, покријте и оставете го 10 минути да набабри. Додека кускусот стои, исечете го зеленчукот на мали коцки. Кога кускусот ќе биде готов, размешајте го со вилушка и измешајте го со зеленчукот. Додадете го маслиновото масло, сокот од лимон, солта и биберот, добро измешајте сè и оставете 5 минути за да се соединат вкусовите. Добар апетит!

ПОВРЗАНИ НАПИСИПОВЕЌЕ ОД АВТОРОТ