COVID-19. Јапонските педијатри алармираат: Опасно е деца под две години да носат маски за лице

Маските можат да го отежнат дишењето затоа што малите деца имаат тесни дишни патишта. Истовремено се зголемува и ризикот од топлотен удар

„Да престанеме да користиме маски за деца под две години“, порачаа јапонските педијатри на својата официјална веб-страница

Децата помлади од две години не треба да носат маски за лице затоа што намалената можност за дишење може да го зголеми ризикот од задушување, сметаат јапонските педијатри, кои упатија апел до родителите откако животот во Јапонија полека се враќа во нормала по укинувањето на вонредната состојба.

Јапонскиот Сојуз на педијатри ги предупреди родителите дека маските се премногу ризични за малите деца

Премиерот Шинзо Абе вчера ја укина вонредната состојба во Токио и четири преостанати области, откако бројот на инфекции опадна низ целата земја, но предупреди дека може да се врати брзо ако вирусот повторно почне да се шири.

За да се спречи ширењето на вирусот, светските здравствени експерти ширум светот препорачуваат луѓето да носат маски во ситуации кога е тешко да се одржи физичката дистанца како мерка.

Но, Јапонскиот Сојуз на педијатри ги предупреди родителите дека маските се премногу ризични за малите деца.

„Маските можат да го отежнат дишењето затоа што малите деца имаат тесни дишни патишта“, рекоа тие, додавајќи дека носењето на маски го зголемува ризикот од топлотен удар за нив.

Намалената можност за дишење може да го зголеми ризикот од задушување на малите деца

„Да престанеме да користиме маски за деца под две години“, порачаа јапонските педијатри на својата официјална веб-страница.

Досега имаше многу малку сериозни случаи на коронавирус кај децата, а повеќето се заразиле од членови на семејството. Речиси и да нема појава на болеста во училиштата и градинките.

Американскиот центар за контрола и превенција на болести (CDC) и Американската академија за педијатрија, исто така, велат дека децата на возраст под две години не треба да носат платнена заштита за лицето.