COVID-19 може да предизвика или да го влоши веќе постоечкото зуење во ушите

Ова може да значи дека тинитусот може да биде долготраен симптом на COVID-19 за некои луѓе, се вели во студијата на Anglia Ruskin University, Кембриџ, Англија

Истражувачите ја поврдиле врската помеѓу COVID-19 и тинитус
Во истражувањето биле користени податоци собрани од 3.100 испитаници од 48 земји, а истражувачите дошле и до сознанија дека кај 40% од луѓето кои претходно страдале од тинитус, по инфекцијата со коронавирус дошло до влошување на нивната состојба

Тинитус, проблем со слухот, може да се влоши од COVID-19 или евентуално дури и да биде активиран од новиот коронавирус, покажува истражувањето на Anglia Ruskin University во Кембриџ, Англија.

Тинитус вклучува перцепција на бучава, како ѕвонење во ушите и во главата. Поврзано е со намалена емоционална благосостојба, депресија и анксиозност.

Во истражувањето биле користени податоци собрани од 3.100 испитаници од 48 земји, најголемиот дел од САД и Велика Британија. Истражувачите дошле до сознанија дека кај 40% од луѓето кои и претходно страдале од тинитус, по инфекцијата со коронавирус дошло до влошување на нивната состојба, пишува стручното списание „Frontiers in Public Health“.

Ова може да значи дека тинитусот може да биде долготраен симптом на COVID-19 за некои луѓе, се вели во студијата.

Истражувачите исто така потенцираат дека многу испитаници сметаат дека мерките за социјално дистанцирање ја влошуваат нивната состојба. Околу 46% од учесниците во истражувањето изјавиле дека веруваат дека мерките за социјално дистанцирање придонесуваат за влошување на тинитусот. Тие ги обвиниле зголемените видео повици, бучната домашна средина и поголемата консумација на кафе и алкохол за нивната зголемена непријатност. Околу една третина исто така го навеле стравот од добивање COVID-19, финансиски проблеми, осаменост и проблеми со спиењето како дополнителни „виновници“, пренесува HealthDay.