Луѓето кои имале коронавирус имаат зголемен ризик да бидат дијагностицирани со психијатриско нарушување, како што е анксиозност или депресија, сугерира новото истражување.
Истражувачите ги прегледале медицинските досиеја на 69 милиони луѓе во САД помеѓу 20 јануари и 1 август. Податоците вклучиле 62.000 лица заразени со коронавирус, како дел од она што авторите го опишаа како досега најголемо истражување за врските помеѓу коронавирусот и предизвиците за менталното здравје.
Три месеци по позитивниот тест за COVID-19, било утврдено дека скоро секој петти пациент добил психијатриска дијагноза.
„Студијата сугерира дека пациентите имаат нешто поголем ризик да бидат дијагностицирани со психијатриска болест, претежно анксиозност или депресија, откако им е дијагностициран COVID-19, отколку после некои други медицински состојби“,
Дејвид Кертис, психијатар и професор на „University College London“ и „Queen Mary University of London“
Можноста за тоа е приближно двојно поголема отколку за другите групи на пациенти со различни болести и состојби анализирани во рамките на студијата за истиот период, пишува Си-Ен-Ен.
Истражувачите од Универзитетот во Оксфорд ги споредиле психијатриските дијагнози на пациенти со коронавирус со пациенти кои имале грип, други инфекции на респираторниот тракт, инфекции на кожата, фрактури на големите коски, камења во жолчката и бубрежни камења.
„Студијата сугерира дека пациентите имаат нешто поголем ризик да бидат дијагностицирани со психијатриска болест, претежно анксиозност или депресија, откако им е дијагностициран COVID-19, отколку после некои други медицински состојби“, изјави Дејвид Кертис, психијатар и професор на „University College London“ и „Queen Mary University of London“.
„Пациентите заразени со COVID-19 имаат ризик од 18 проценти да развијат психијатриска дијагноза, додека кај пациентите кои имаат грип, тој ризик изнесува 13 проценти“, вели Кертис. „Тешко е да се процени важноста на овие наоди. Можеби не е изненадувачки што ова се случува нешто почесто кај лица заразени со COVID-19, кои разбирливо биле загрижени дека може да се разболат сериозно и кои исто така морале да поминат низ период на изолација“, објасни професорот Кертис.
Студијата е објавена во журналот „Lancet Psychiatry“.
