Кога ќе поминат две недели од почетокот на болеста, детето може да замине на летување на море, секако нагласуваат педијатрите, ако немало некои значајни компликации.
Потребно е да се обрне внимание на три аспекти на летувањето на море:
Првиот е избегнување на јако сонце, бидејќи кожата се уште е во фаза на опоравување од сипаниците. Благото утринско или превечерно сонце е добредојдено, а се она помеѓу тој период е неприфатливо за детето.
Вториот аспект е редовното туширање по излегувањето од море, како и редовно вечерно туширање. Ова е важно за да се избегне иритација и доцна инфекција на местата каде имало поголеми сипаници и кои речиси се паднати.
Третата важна мерка на претпазливост е избегнувањето на контакт со болни лица. Детето има ослабен имунитет по варичелата и е почувствително на бројни летни инфекции. Ова е особено важно во првите три до четири недели од почетокот на болеста.
