Иако времето за враќање на старата тежина е различно за секоја жена и зависи од многу фактори (во зависност од тоа колку килограми сте се добиле за време на бременоста, дали доите или не, каква е вашата исхрана и дали вежбате), постојат одредени пресвртници што можете да ги означите во календарот.
24 часа по породувањето
Речиси веднаш по породувањето жените губат во просек по 5 и пол килограми. „Тука е бебето, изгубената крв, течностите, плодовата вода“, вели нутриционистката Сара Б. Кригер, која работи со бремени жени и мајки. „Во текот на овој 24-часовен период, вашиот стомак по породувањето веќе почнува да се намалува“, додава таа. Со други зборови, голем дел од тежината во бременоста е самото бебе.
Една недела подоцна
„Сè уште има многу течност што излегува од вас во форма на урина, особено ако сте имале епидурална“, вели нутриционистот Кригер, што значи дека сè уште губите тежина, но советува да не се мерите: „Фокусирајте се на тоа како ви одговара облеката, а не она што го покажува вагата“.
Доењето исто така игра улога во слабеењето. Иако на жените им се советува да внесуваат дополнителни 500 калории дневно доколку дојат, тие често губат многу килограми по породувањето токму поради доењето. „Жените слабеат од доењето бидејќи доењето бара и „зема“ калории“, вели гинекологот Ешли Роман. Но, нутриционистот Кригер нагласува дека тоа не важи за сите: „Некои жени ќе ослабат повеќе од другите, без разлика дали дојат или не“.
Две недели подоцна
Нутриционистот Кригер верува дека новите мајки не треба да се мерат во првите две недели по породувањето, кога можеби сè уште воспоставуваат рутина за доење, а хормоните штотуку почнуваат да се смируваат. Со други зборови, се уште сте во т.н „бејби блуз период“, каде бројките на вагата може да ве вознемират и многу лесно да ве расплачат. Исто така, додава „бројот на вагата обично не е одраз на вашата тежина, затоа не се обесхрабрувајте“. Кригер препорачува еднаш месечно да ја мерите половината со мерна лента за да ги следите сантимтрите, а не килограмите.
Еден месец подоцна
Можеби звучи премногу добро за да биде вистина, но вообичаено е новите мајки да изгубат околу 9 килограми во првиот месец по породувањето. Бидејќи на повеќето жени им се советува да добијат 11-15 кг за време на бременоста, еден месец подоцна, многу е веројатно дека речиси ќе ја вратите тежината пред бебето.
Шест недели подоцна
Матката е целосно вратена во карличната празнина, а вашиот стомак изгледа порамно и помало. „Ова е голема промена кога станува збор за постпарталниот стомак“, вели Кригер.
Неколку месеци подоцна
Ако ги задржите здравите навики во исхраната кои ги следевте за време на бременоста, блиску сте до вашата нормална тежина. Доколку сакате да го забрзате процесот, вежбањето дефинитивно ќе ви помогне во тоа.
Девет месеци подоцна
Кригер тврди дека има вистина во често употребуваната фраза „9 месеци нагоре, 9 месеци надолу“. Но, ако сте се добиле повеќе од препорачаните 11 до 15 килограми, ќе ви треба уште малку за повторно да изгледате како старата вие. Почекајте!
„Заклучокот е дека не секоја жена губи тежина после породувањето на ист начин“, вели Кригер и предупредува на трендот на диета кој нема да вроди со долгорочен плод. Уште полошо, брзите диети со кои внесувате малку за да изгубите многу, не му ги обезбедуваат на вашето тело потребните хранливи материи и му ги одземаат на вашето бебе калориите и хранливите материи што ви се потребни ако доите.
