♦♦♦♦♦♦♦
Коронавирусот што беснее низ целиот свет имаше тенденција да биде нежен со децата, кои учествуваа со најмал процент на инфекции досега.
Сега, најголемата студија до денес која се однесува на децата и коронавирусот открива дека повеќето од нив развиваат благи или умерени симптоми, додека мал процент, особено бебињата и предучилишните деца, може сериозно да се разболат.
Повеќе од 60 проценти од 125 деца кои се разболеле сериозно или критично биле на возраст од 5 години и помлади, се вели во студијата
Студијата, објавена онлајн во журналот „Pediatrics“ опфати повеќе од 2.000 болни деца ширум Кина, каде што започна пандемијата. Овозможува појасен портрет за тоа како најмладите пациенти се погодени од вирусот, знаење за кое експертите велат дека може да влијание врз политиките, како што се затворање на училишта, подготвеност на болниците и развој на евентуален третман и вакцина.
Истражувачите анализирале 2.143 случаи на деца под 18 години кои биле пријавени во кинеските центри за контрола и превенција на болести заклучно со 8 февруари. Нешто повеќе од една третина од овие случаи биле потврдени со лабораториско испитување. Останатите биле класифицирани како сомнителни случаи засновани на симптомите на детето, рендген на градите, крвни тестови и дали детето било изложено на лица со коронавирус.
Околу половина од децата имале благи симптоми, како што се треска, замор, кашлица, конгестија и можеби гадење или дијареја. Повеќе од една третина – околу 39 проценти – станале умерено болни, со дополнителни симптоми, вклучувајќи пневмонија или проблеми со белите дробови откриени со СТ-скен, но без очигледно скратување на здивот. Околу 4 проценти немале никакви симптоми.
„Но, имало 125 деца или скоро 6 проценти, кои развиле многу сериозна болест, а едно 14-годишно момче со потврдена инфекција со коронавирус починало“, изјави Шилу Тонг, постар автор на студијата, кој е директор на Одделот за клиничка епидемиологија и биостатистика во „Shanghai Children’s Medical Center“. Тринаесет од нив биле сметани за „критични“ на работ на респираторна или слабост на органите. Другите биле класифицирани како „тешки“ затоа што имале сериозни респираторни проблеми.
„Ефективно, што ни кажува ова е дека болниците треба да се подготват за педијатриски пациенти“, изјави д-р Сринивас Мурти, вонреден професор по педијатрија на „University of British Columbia“, кој не бил вклучен во студијата.
Повеќе од 60 проценти од 125 деца кои се разболеле сериозно или критично биле на возраст од 5 години и помлади, се вели во студијата. Четириесет од нив биле новороденчиња, стари под 12 месеци.
(поопширно може да прочитате на онлајн изданието на „Њујорк тајмс“ на следниот линк ТУКА)
- Линк до студијата објавена во „Pediatrics“ ТУКА
