Шеќерот повикува од полиците на продавниците за храна, а особено го има во оние производи кои се продаваат за деца.
Децата се најголемите консументи на додаден шеќер, иако исхраната богата со шеќер е поврзана со здравствени проблеми како што се дебелина и срцеви заболувања, па дури и со нарушување на мемориската функција, пишува „Science Daily“.
Сепак, малку се знае за фактот дека консумирањето големи количини на шеќер во детството влијаат на развојот на мозокот, особено за регионот за кој се знае дека е многу важен за учење и меморија, наречен хипокампус.
Новото истражување предводено од член од Универзитетот во Џорџија во соработка со истражувачката група од Универзитетот во Јужна Калифорнија покажало на модел на глодари дека секојдневното консумирање на шеќер и засладени пијалаци за време на адолесценцијата ја нарушува способноста за учење и памтење во возрасно доба.
Истражувачката група понатаму покажала дека промените во цревните бактерии може да бидат клучот за оштетување на меморијата предизвикано од шеќер.
Новото истражување предводено од член од Универзитетот во Џорџија во соработка со истражувачката група од Универзитетот во Јужна Калифорнија покажало на модел на глодари дека секојдневното консумирање на шеќер и засладени пијалоци за време на адолесценцијата ја нарушува способноста за учење и памтење во возрасно доба
Поддржувајќи ја оваа можност, тие откриле дека сличен дефицит на меморија е забележан дури и кога бактериите, наречени парабактериоиди, експериментално биле воведени во цревата на животните кои никогаш не консумирале шеќер.
„Шеќерот во рана возраст ги зголеми нивоата на парабактериоиди, а колку што беа повисоки нивоата на парабактериоидите, толку полошо минуваа животните во задачата“, рече Емили Нобл, доцент на Универзитетот УГА и главен автор на студијата.
„Откривме дека самите бактерии се доволни за да го оштетат памтењето на ист начин како и шеќерот, но тие исто така ги нарушуваат и другите типови на мемориски функции“, додаде таа.
Земајќи ја предвид улогата што хипокампусот ја има во разни когнитивни функции и фактот дека областа сè уште се развива во доцната адолесценција, истражувачите се обидоа да откријат повеќе за неговата ранливост на исхрана богата со шеќер преку цревната микробиота.
Анализите откриле дека високата потрошувачка на шеќер довела до зголемено ниво на парабактериоиди во цревниот микробиом, повеќе од 100 трилиони микроорганизми во гастроинтестиналниот тракт кои играат важна улога во здравјето на луѓето, но исто така се одговорни и за болести.
Според Американскиот центар за контрола и превенција на болести (CDC), препораките кои се однесуваат на ограничувањето на шеќерот се надминуваат низ целиот свет.
