Додека кај нас бројките растат, во Америка се во опаѓање. Минатата недела најмалку 52.695 нови случаи на Ковид-19 кај деца биле идентификувани преку тестирање, соопшти Американската академија за педијатрија.
Како и да е, податоците говорат дека осма последователна недела бројот на нови случаи бележи опаѓање.
Децата сè уште претставуваат повеќе од 13% од сите случаи на Ковид-19 во САД, а повеќе од 3,28 милиони деца во САД се тестирани позитивно на болеста заклучно со 25 февруари.
Децата сочинуваат помеѓу 6% и 18,6% од оние кои биле тестирани на Ковид-19, а 5,3% до 31% од децата биле тестирани позитивно на коронавирусот, во зависност од државата.
За децата сè уште се смета дека е многу поретко отколку возрасните да развијат тешки симптоми на Ковид-19 или да умрат од оваа болест. Децата претставуваат 1,3% до 3% од вкупните пријавени хоспитализации за Ковид-19, врз основа на информациите дадени од 24 држави и Њујорк. Само 0,1% -2,1% од сите случаи на Ковид-19 кај децата барале хоспитализација.
10 држави пријавиле нула смртни случаи на деца меѓу 43 држави кои обезбедиле податоци за смртност од Ковид-19.
