Спиењето е од суштинско значење за растот и развојот на бебињата бидејќи им помага на нивниот физички и ментален развој. Но, лекарите ги предупредуваат родителите да не прават една вообичаена грешка кога ги заспиваат своите малечки.
Ако вашето дете носи „худи“ или маица со капа кога спие, тоа би можело да има сериозни, дури и опасни по живот последици, предупреди тимот за едукација за прва помош за бебиња и деца.
„Предметите што ги покриваат главите на бебињата може да се лизнат и да ги изложат на ризик од задушување“, велат тие.
„Одржувањето на главата и лицето на вашето бебе непокриени за време на спиењето го намалува ризикот од синдром на ненадејна смрт на доенчиња (SIDS)“, додаваат тие на нивната страница CPR Kids.
СИДС обично се јавува во првите шест месеци од животот на бебето, најчесто додека детето спие. Затоа некои го нарекуваат „смрт во колевка“.
Одржувањето на главата и лицето на вашето бебе непокриени за време на спиењето го намалува ризикот од синдром на ненадејна смрт на доенчиња (SIDS). СИДС обично се јавува во првите шест месеци од животот на бебето, најчесто додека детето спие. Затоа некои го нарекуваат „смрт во колевка“
Исто така, на родителите им се советува секогаш да ги ставаат децата на грб да спијат.
Дозволувањето на бебето да спие на стомак може да им ги блокира дишните патишта.
Ако бебето спие заедно со родителите, треба да ги држат перниците и постелнината за возрасни подалеку од бебето, како и сите предмети што би можеле да им ја покријат главата или да предизвикаат прегревање, според „The Lullaby Trust“.
Нозете на децата треба да го допираат крајот на нивното креветче, корпа или количка, а главите треба да бидат откриени и секое ќебе што ги покрива не треба да биде повисоко од нивните раменици, советува NHS.
За да се намали ризикот од СИДС, на родителите им се советува да спијат во иста соба со новороденчињата во првите шест месеци од нивниот живот.
Сепак, родителите не треба да спијат со своето бебе на софа или фотелја и да се погрижат на нивното дете да не му стане премногу жешко или ладно.
Освен гушење и СИДС, заспивањето на бебето со покриена глава може да предизвика и негово прегревање.
„Прегревањето може да биде предизвикано од загревање на просторијата, висока телесна температура и прекумерна облека или постелнина. Истражувањата покажаа дека ставањето на бебето на грб и држењето на главата и лицето непокриени за време на спиењето штити од прегревање и гушење и затоа го намалува ризикот од СИДС“, вели д-р Бек Торнтон од „Red Nose“.
Лекарите напоменуваат дека треба да ги отстраните сите капи, шеширчиња, ленти за глава, маици со качулки или друга облека со качулка пред вашето дете да заспие.
