Доматот е одличен извор на витамините А и Ц за бебето, но поради киселоста се советува да се причека со негово воведување бидејќи може да јави потешкотии со бебешкото стомаче. Доматот подоцна може да се користи во различни комбинации како сос и прелив за многу јадења.
Кога се воведува?
Доматот главно не се препорачува да се воведе во бебешката исхрана пред 10. месец, односно до 12. месец. Причина за воведувањето подоцна е толку во алергиската реакција, колку во киселината што тој ја содржи и може тешко да му падне на неравиениот бебешки дигестивен тракт.
Доматот поради таа киселина може да предизвика исип околу устата или газето на бебето. Веројатноста за ваква појава е поголема ако на детето му се даде свеж, отколку варен или сос од него. Кога го воведувате во исхраната, следете го бебето и доколку се појави исип, за следниот пат консултирајте го својот педијатар.
Доматот содржи голема концентрација на потребните витамини, а најмногу витамин Ц и А. Истовремено содржи и витамин К, фолна киселина, фосфор, ниацин, магнезиум калциум и железо.
Како да го подготвите доматот?
Може да го готвите на пареа, но се препорачува да се исечка и да се пропржи на малку маслиново масло и потоа од него да се направи каша. Може и да се динствува. Важно е за бебето секогаш сами да подготвувате пире од домати или сос, бидејќи купечките содржат шеќер, сол, зачинии и адтиви кои не се добри за детето.
