Социјалната работничка и експерт за родителство, Ген Муир, тврди дека заканите со казни може да доведат до непотребен конфликт со децата и да го оптоварат вашиот однос. Како мајка на четири деца, оваа Австралијка одлично ги разбира предизвиците со кои се соочуваат модерните родители. И самата се обидела да им се закани на синовите дека ќе им одземе нешто доколку не ја послушаат, но потоа дознала дека таквите тактики ретко успеваат.
Ако го промените пристапот и кажете „кога ќе го направиш ова, тогаш можеме да го имаме она“, тоа е попозитивно, подиректно и многу е поверојатно дека ќе резултира со успех, објаснува експертката за родителство
Наместо тоа, таа препорачува да се користат зборовите „кога“ и „тогаш“, за кои вели дека ја менуваат перспективата на детето за ситуацијата и претставуваат награда за завршување на задачите.
„Вашето дете нема да ве слуша ако се заканувате дека ќе му ја одземете конзолата за игри секогаш кога неговата соба е неуредна. Децата не се за постојана соработка. Тие треба да ги поместуваат границите и понекогаш тоа е нивниот начин да ни дадат до знаење дека се борат со регулирање на нивните емоции“, објасни таа и откри зошто децата погрешно ги разбираат заканите и што да прават родителите наместо тоа.
„Ако го промените пристапот и кажете „кога ќе го направиш ова, тогаш можеме да го имаме она“, тоа е попозитивно, подиректно и многу е поверојатно дека ќе резултира со успех“, рече таа.
Со други зборови, според Муир, подобро е да употребите фрази како што се: „кога ќе се облечеш, тогаш можеш да си играш“ или „кога ќе ја напишеш домашната задача, тогаш можеш да гледаш телевизија“.
