ЕСЕНСКА ДОХРАНА: Кои намирници да му ги понудите на бебето?

Есента нуди многу здрави намирници, а предводи тиквата со благ вкус, која е полна со антиоксиданти и влакна. Со воведување на дохраната најдобро е да почнете во шестиот месец од животот на бебето.

Пазарите и маркетите се преполни со тиква, цвекло, бобинки, грозје, тиквици, брокула, кељ, зелка, компир, праз, сливи. На почетокот на есента, исхраната треба да се прилагоди на студените денови, и да се консумираат намирници кои со своето енергетско делување го грат организмот, давајќи му доволно топлина и енергија.

“Есенската дохрана може да биде многу богата, но важно е да се следат правилата на дохрана и да се почитува календарот“, појаснува нутриционистот Дарија Бендер.

Календарот на дохрана не зборува за тоа со што да се почне дохраната, оти тоа зависи од поднебјето и традицијата. Во земјите во западна Европа првите кашички се подготвуваат со млеко и житарки, а кај нас традиционално се започнува со овошни кашички од јаболка, крушка или банана.

На почетокот на есента, исхраната треба да се прилагоди на студените денови, и да се консумираат намирници кои со своето енергетско делување го грат организмот, давајќи му доволно топлина и енергија.

Нутриционистката истакнува дека не е толку важно со што се почнува, но помалку слатки намирници е подобро, за да не се случи преферирање на благо. Затоа идеални се морковот, тиквата, компирот или оризот. Храната која се воведува треба да биде вкусна, лесно сварлива, со ниска алергеност и треба да се воведува постапно за да може да се воочи евентуална интолеранција или алергија на некоја намирница. Најдобро е нова намирница да се воведува на секои два дена.

Јаболките и круши се идеални за почеток на дохраната. Јаболките се вистинска ризница на нутриенти – витамини, минерали, влакна и овошни киселини. Крушките природен и брз извор на енергија поради фруктозата, глукозата и левулозата – најслатки природни шеќери, кои истовремено се богати со витамини од Б групата.

Апсолутен есенски адут за исхраната на бебињата и децата е тиквата. Поради слаткиот вкус, но и привлечната боја, децата брзо и лесно ја прифаќаат. Богата е со антиоксиданти, магнезиум, калиум и витамините Б, Ц, Е и К, како и со провитамин А, алфа и бета каротен.