Д-р Лиана Ван: Фактот дека и вакцинирани луѓе умираат од Ковид-19 не значи дека вакцините се неефикасни

Вакцините против Ковид-19 не не штитат 100 проценти. Ниту една вакцина не го прави тоа, речиси ниту еден медицински третман не е 100% ефикасен. Ова не значи дека вакцината не делува, или дека не треба да се зема, вели д-р Лиана Ван, доктор по итна медицина и професор на Факултетот за јавно здравје на Универзитетот Џорџ Вашингтон

По смртта на поранешниот американски државен секретар Колин Пауел (84), кој имал мултипен миелом, а според семејството бил целосно вакциниран, меѓу антиваксерите се отвораат многу прашања за ефикасноста на вакцините против Ковид-19.

„Замислете ја вакцината против Ковид-19 како мантил за дожд. Многу добро ве штити од дожд, но ако сте во бура со грмежи, а потоа дојде ураган, има многу поголеми шанси дека ќе се навлажни. Тоа не значи дека вашиот мантил е лош. Тоа значи дека сте на лошо време, а самиот мантил можеби нема секогаш да ве штити. Проблемот не е во вакцината, туку во фактот што околу вас има премногу вирус“,
д-р Лиана Ван,
доктор по итна медицина и професор на Факултетот за јавно здравје на Универзитетот Џорџ Вашингтон

Здравствените власти се загрижени дека антиваксерите ќе го искористат ова за да тврдат дека вакцините не делуваат. Ако сè уште можете да умрете и по вакцинација против Ковид-19, која е тогаш целта на примањето вакцина?

Медицинскиот аналитичар на Си-Ен-Ен, д-р Лиана Ван, доктор по итна медицина и професор на Факултетот за јавно здравје на Универзитетот Џорџ Вашингтон, дава одговори на некои од најчестите прашања за ефикасноста на вакцините и причината за вакцинација.

Кога ќе се види дека и вакцинираните луѓе умираат од Ковид-19, потребно е дополнително објаснување за да им биде појасно на луѓето дека вакцините вреди да се стават.

„Мораме да почнеме со науката и она што го покажуваат истражувањата. Вакцините против Ковид-19 се исклучително ефикасни во спречување на болеста, особено тешката. Најновите податоци од Американскиот центар за контрола и превенција на болести (ЦДЦ) покажуваат дека тие ја намалуваат веројатноста за позитивен резултат на тестот за Ковид-19 за шест пати и веројатноста за смрт за 11 пати“, рече д-р Ван.

„Тоа значи дека ако сте вакцинирани, шест пати помали се шансите да добиете Ковид-19 од некој кој не е вакциниран. И 11 пати е помала веројатноста да умрете од Ковид-19 во споредба со невакцинирана личност. Тоа е навистина одлично“.

Таа, исто така, истакнува дека вакцините против Ковид-19 не не штитат 100 проценти. Ниту една вакцина не го прави тоа, речиси ниту еден медицински третман не е 100% ефикасен. Ова не значи дека вакцината не делува, или дека не треба да се зема.

„Поверојатно е дека некои луѓе ќе имаат потешки исходи поради Ковид-19, и покрај вакцинацијата. Врз основа на она што го знаеме, генералот Пауел спаѓал во таа категорија. Знаеме дека луѓето кои се постари и имаат основни здравствени состојби имаат поголема веројатност да заболат од сериозна болест и да умрат иако се вакцинирани. Во посебен ризик се луѓето со ослабен имунитет. Мултипен миелом спаѓа во таа категорија, а на тоа треба да се додаде и постарата возраст, што дополнително го зголемило ризикот“.

Студијата спроведена во 13 држави во текот на шест месеци покажа дека целосно вакцинираните лица сочинуваат само четири проценти од сите хоспитализации поради Ковид-19. Според студијата на ЦДЦ, невакцинираните луѓе имаат 17 пати поголема веројатност да бидат хоспитализирани поради коронавирус отколку целосно вакцинираните. Оние кои завршуваат во ситуација која бара хоспитализација се почесто постари и/или имаат повеќе основни здравствени состојби

Треба да се има на ум дека ова е една од причините зошто се препорачува бустер доза. Уште во август, федералните здравствени власти препорачаа луѓето со умерена или тешка имунокомпромитирана здравствена состојба, кои ја примиле вакцината Фајзер или Модерна да примат и трета доза од вакцината.

Тие предупредија дека и со дополнителна доза, лицата со ослабен имунитет треба да преземат дополнителни мерки на претпазливост. Тоа е затоа што оваа категорија на луѓе е особено подложна на тешки исходи.

Д-р Ван претходно изјави дека „вакцините најдобро функционираат кога сите ги земаат“ и сега останува на тој став.

„Замислете ја вакцината против Ковид-19 како мантил за дожд. Многу добро ве штити од дожд, но ако сте во бура со грмежи, а потоа дојде ураган, има многу поголеми шанси дека ќе се навлажни. Тоа не значи дека вашиот мантил е лош. Тоа значи дека сте на лошо време, а самиот мантил можеби нема секогаш да ве штити. Ако сте во близина на многу вируси, тоа ги зголемува шансите да се инфицирате. Проблемот не е во вакцината, туку во фактот што околу вас има премногу вирус“, рече докторката.

Клучно е што повеќе луѓе да се вакцинираат. Тоа ја намалува вкупната стапка на инфекција и на крајот ги штити сите. А ако сте во област со многу вируси, носењето маска во затворени преполни простори додава дополнително ниво на заштита.

И не треба да заборавиме дека луѓето се вакцинираат за да ги заштитат најзагрозените, кои се изложени на најголем ризик од сериозни последици.

Студијата спроведена во 13 држави во текот на шест месеци покажа дека целосно вакцинираните лица сочинуваат само четири проценти од сите хоспитализации поради Ковид-19. Според студијата на ЦДЦ, невакцинираните луѓе имаат 17 пати поголема веројатност да бидат хоспитализирани поради коронавирус отколку целосно вакцинираните. Оние кои завршуваат во ситуација која бара хоспитализација се почесто постари и/или имаат повеќе основни здравствени состојби.

За оние кои не веруваат дека вакцината е ефикасна, д-р Вен ги замолува да размислат за другите аспекти на медицината.

  • „Да речеме дека некој има срцева болест. Постојат лекови за лекување на срцеви заболувања, но тие не се 100 проценти ефикасни – ништо не е. Само затоа што некој ќе заврши со влошена болест во болница, не значи дека лековите не вреди да се земаат“, вели д-р Вен

„Или да земеме пример за превенција. Да речеме дека некој што се храни здраво и многу вежба, сепак завршува со висок крвен притисок и дијабетес. Ова не значи дека исхраната и вежбањето не се добри. Тоа само значи дека можете да ги преземете сите правилни чекори за да ја спречите болеста, но понекогаш, сепак, може да ја добиете болеста“, додава докторката.

Да се ​​намали ризикот од Ковид-19 кај секој од нас, како и да се стави крај на пандемијата – потребна е вакцинација. Тоа ќе не заштити нас и оние околу нас, заклучува Си-Ен-Ен.