Неважно дали се остри и прободувачки или пригушени и болни, главоболките не се безопасни за децата. Често, причина за појавата на главоболка е нешто едноставно, како одење на спиење подоцна, прдолга игра на сонце ли удар во глава. Но, понекогаш главоболките може да потраат и обично ги следат и други симптоми.
Различни фактори може да бидат причина за главоболки кои може да бидат со различен интензитет. Важно е да знаете да препознаете кога главоболката е само минлива болка, а кога е нешто повеќе и кога на детето му е потребен лекарски третман.
Што предизвикува главоболка?
Обично децата имаат ист вид на главоболка како и возрасните. Често главоболките се од наследен карактер, така да ако вие како родители ги имате, и вашето дете може да ги добие.
Ова се некои од можните причини за појава на глвоболка:
- Одредени лекови
- Премалку сон или промени во начинот на спиење
- Прескокнување оброци
- Дехидрираност
- Изложеност на стрес
- Мала повреда на главата
- Употреба на компјутер или гледање ТВ подолго време
- Месечен циклус
- Промена во нивото на хормони
- Долг пат во автомобил или автобус
- Слушање прегласна музика
- Внесување на премногу кофеин преку храна или пијалаци (газирани сокови, чај и чоколадо)
- Консумирање на одредени намирници кои содржат глутаминат
Во одредени слуачи, главоболката може да биде предизвикана и од одредени инфекции, како:
- Воспаление на уво
- Грип
- Синусни инфекции
- Гнојно воспаление на грло
- Инфекција на уринарниот канал
Сепак, поголемиот број главоболки не се знак дека нешто не е во ред. Во само 10% од случаите главоболките се предизвикани од други медицински состојби, како што се инфекции или некои други сериозни заболувања.
