Високиот крвен притисок (хипертензија) за време на бремноста може да доведе до развој на ментални пореметувања кај детето, укажува нова студија. Хипертензивните пореметувања во бременоста вклучуваат: хронична хипертензија, гестациска хипертензија, прееклампсија и еклампсија.
- Прееклампсијата е честа компликација во бременоста која се карактеризира со висок крвен притисок и протеини во урината на трудницата, што укажува на оштетување и на други органи, вклучително и црниот дроб и бубрезите.
- Еклампсијата е тешка компликација на прееклампсијата во која високиот крвен притисок за време на беменоста резултира со конвулзивни напади.
Според резултатите од студијата, прееклампсијата и тежината на оваа состојба кај мајката поврзана е со зголемување на ризикот од развој на ментални пореметувања во детството. Прееклампсијата гоо зголемува овој ризик кај детето за 66%.
Истовремено се покажало дека зголемувањето на крвниот притисок во бременоста во комбинација со обезност и дијабетес, дополнително го зголемува ризикот од развој на ментални пореметувања кај детето.
Се смета дека овие резултати ја нагласуваат потребата за превентивни интервенции и лекување на хипертензивните пореметувања кај мајката, со оглед дека тоа може да и помогне не само на родилката, туку и на бебето.
