ИМ ПОМАГАТЕ НА ДЕЦАТА ОКОЛУ ДОМАШНАТА? Тоа можеби и не е најдобро решение

Без оглед на тоа колку е паметно возрасното лице или детето, или каков е нивниот социо-економски статус, времето поминато во решавање математички задачи веројатно нема да има значително влијание врз академските резултати на ученикот.

За многу родители, помагањето на децата со домашните задачи е исто толку важно како и да се погрижат децата да јадат зеленчук и навреме да си легнат во кревет. Ова е она што тие го прават за да им помогнат на своите деца да го добијат најдобриот почеток во животот. Иако времето поминато со детето може да има низа предности, поттикнувањето на оценки веројатно не е една од нив.

Во два групи податоци, кои опфаќаат ученици во јавните и приватните основни училишта, американските истражувачи не пронашле значајна поврзаност помеѓу помошта од родителите со домашните задачи и училишните достигнувања на детето.

Без оглед на тоа колку е паметно возрасното лице или детето, или каков е нивниот социо-економски статус, времето поминато во решавање математички задачи веројатно нема да има значително влијание врз академските резултати на ученикот.

 “Нашите откритија ја доведуваат во прашање децениската родителска помош и контрола над домашните задачи“, пишуваат авторите.

Академиците и во минатото се занимаваа со прашањето колку родителот треба да помага во решавање на домашните задачи. Правилниот став би можел да ги “зарази“ децата со љубов кон учењето. Премногу учество може да биде повеќе пречка отколку помош.

Задачата може да биде стресна и за родителите

Можеби ниту родителите нема секогаш да ја сакаат таа работа. Истражувањата покажуваат дека родителите може да ја сфатат домашната задача како стресна потфат, а тоа може да создаде напнатост и притисок во домот. Понекогаш, ако има временски притисок, родителите едноставно им ги даваат одговорите на своите деца.

Повеќето од овие студии биле насочени на деца на средношколска возраст, но децата од основно училиште се во особено важна фаза на развој каде домашната работа може да има многу поголемо влијание, без разлика дали е негативно или позитивно.

Истражувачите се обиделе да утврдат како помладите деца, помеѓу 1-во и 5-то одделение, ја доживуваат родителската помош со нивните домашни задачи.

За да го направат ова, авторите користеле национални групи на податоци од 1997 до 1998 и 2011 година. За разлика од претходните студии, тие ги земале предвид и променливите како што се социоекономскиот статус и образованието на родителите при анализата на нивните резултати.

Основното училиште е важно за развојот детските вештини

Дури и кога биле земени предвид нивото и интензитетот на родителската помош со домашните задачи, тимот не пронашол никаков ефект.

Авторите не можат да бидат сигурни зошто е тоа така, но имаат неколку објаснувања.

Едно решение би можело да биде дека стресот во домот не придонесува за учење или можеби тоа е затоа што родителите го вршат најголемиот дел од работата, наместо да ги учат своите деца како да размислуваат самостојно. На крајот, родителите не се обучени како наставниците да пренесуваат знаење за читање и математика на следната генерација.

“Тогаш децата не можат да искусат напор и труд. Основното училиште е важно за растот на знаењето, но е уште поважно за развојот на вештините и навиките на децата“, објаснува истражувачот на образовната политика Катерина Бодовски од Универзитетот Пенсилванија.

Непотребен притисок

Високите очекувања исто така може да го попречат учењето на детето. Ако детето се чувствува како родител да му дише во врат, тоа може да додаде непотребен притисок на целата ситуација. Ова не мора да значи дека помагањето на децата со домашните задачи нема никаква корист, бидејќи студијата не прави разлика помеѓу видовите родителска помош и само разгледувала каков ефект тоа имало врз академските достигнувања. Ова може, на пример, во некои случаи да доведе до тоа родителите да поминуваат повеќе време со своите деца, што може да биде корисно за работи надвор од академската заедница, како што е нивното ментално здравје.

Авторите признаваат дека иако нивните резултати сугерираат дека родителската помош со домашните задачи нужно не значи подобри оценки, тие не го испитувале учењето за време на ковид пандемијата.

Наставната одговорност во 2020 година одеднаш стана чудна рамнотежа помеѓу наставниците и родителите, а помошта дома веројатно беше клучен фактор за успешно учење на далечина, пишува Science alert.