Смртноста на деца под пет години, речиси е двојно намалена од 2000. година, додека смртноста за време на бременост и раѓање на детето се намалила за повеќе од една третина, покажува најновата проценка на УНИЦЕФ и Светската здравствена организација.
Благодарение на подостапната и подобра здравствена нега, смртноста на бебињата и трудниците во светот, е најниска во историјата, стои во најновиот извештај на УНИЦЕФ. Но, нееднакви се шансите за преживување на мајките и на децата во светот.
“Во земјите во кои на сите им се пружаат сигурни, поволни и високо квалитетни здравствени услуги, жените и бебињата опстануваат и напредуваат“, изјавил главниот директор на Светската здравствена организација, Тедрос Адан Гебрејисус.
Породувањето на жена во Африка е 50 пати поопасно од породување на жена во богатите земји. Минатата година во Африка, секое 13 дете помладо од пет години починало, додека во Европа починало едно дете на 196.
Годишно во светот умираат 2,8 милиони трудници и новороденчиња, што е една смрт на секои 11 секунди и тоа повеќето поради причини кои можеле да се спречат, проценува ОН.
