Пубертетот е еден многу бурен и важен период во развојот на децата. Затоа треба да се има на ум дека децата во текот на овој период се соочуваат со голема криза.
“Пред се, доаѓа до големи физички и физиолошки промени, во смисол на промена на изгледот на телото, како и воспоставување на нов баланс на хормоните во телото“, велат педијатрите.
Стануваат некако поинакви сами на себе, и често поради тоа се целосно збунети и исплашени. Затоа, задача на родителите е да се обидат на суптилен начин да ги подготват децата за промените кои следат. Децата може да се чувствуваат посрамени поради физичките промени кои им се случуваат и треба да се уверат дека не се единствени на кои тоа им се случува и дека тоа не е ништо страшно.
МОМЧИЊА
Почеток на пубертетот
Во 10. година, хипоталамусот во мозокот почнува да го ослободува хормонот гонадотрофин, кој оди се до хипофизата и уште една жлезда. Таму се произведуваат два хормона, кои го активираат производството на тестостерон во тестисите.
Гласот станува подлабок
Тестостеронот доведува да гласните жици станат подолги за дури еден сантиметар и на тој начин почнува да звучи многу посериозно.
Коса
Поради тестостеронот кој се произведува во тестисите и во надбубрежните жлезди, се стимулира и растењето на влакна. Почнуваат растат влакна под пазувите, на лицето, абдоменот и на интимната регија.
Акни
Тестостеронот ја стимулиира и работата на надбубрежните жлезди кои ја регулираат природната маснотија на телото. Овој себум може да се наталожи во порите, што е идеално место за размножување на бактерии и појава на гнојни мозолчиња.
Мускули
Во оваа фаза момчињата речиси и да немаат масни клетки. За разлика од девојчињата тие добиваат мускулна маса, односно мускулните влакна растат и се размножуваат благодарение на хормоните.
Пенис
Тој се развива набрзо по растот на тестисите. Периодот кога тоа ќе се случи варира од момче до момче. Првите промени на пенисот се видливи во должината, а подоцна и во дебелината, особено на жлездите.
Тестиси
Растот на тестисите се една од првите промени кои се видливи на телото на момчето за време на пубертетот. За време на детството, тестисите се со големина од еден до два милиметри, а подоцна кога ќе почне производството на сперматозоиди достигнуваат големина од четири милиметри и повеќе. Тогаш кај момчињата почнува и првата ејакулација.
Нови мириси
Половите хормони ги активираат потните жлезди кои во овој период почнуваат да работат многу посилно, што за последица имаат обилно потење.
Раст
Во детството момчињата растат од пет до седум сантиметри годишно, а во адолесцентниот период и до 12 сантиметри.
