За да му олесните на детето, за почеток е најдобро просторијата каде престојува да се навлажнува така што на грејните тела ќе ставите садови со вода. Потребно е и детето да пие доволно течности.
Освен тоа, носето редовно испирајте го со солена вода или физиолошки раствор, или набавете аспиратор.
Но, пред секое користење на било каков аспиратор (рачен или на батерии) потребно е детето да се легне и во носето да се стави физиолошки раствор, една ноздра да се затвори, а од другата да се извлекува секретот. Потоа, истата постапка се повторува со другата ноздра.
Немојте да претерувате со чистењето на носето со аспиратор, бидејќи може да дојде до повреда на носето. Доколку во аспираторот забележите мала сукрвица, веднаш престанете и не го користете неколку наредни денови. Капки за нос користете исклучиво по препорака на лекар.
