Како да направите домашни растителни млека

Ова се рецепти за подготовка на домашни млека кои може да им послужите на децата.

Воведувањето на кравјото млеко, подоцна како меѓуоброк или ужина, не е препорачливо од многу причини. Треба да се има предвид дека човечкото тело не ги содржи соодветните ензими кои ги разложуваат белковините од млекото.

Организмот на човекот не е програмиран така да на правилен начин го вари кравјото млеко, поради што се јавуваат многу дигестивни пречки.


БАДЕМОВО МЛЕКО

Потребно:

  • 220гр сурови бадеми
  • 1л вода

Во вода ставете ги бадемите да преноќат (најдобро е во вода ода отстојат 8 до 12 часа). Наутро, процедете ги, измијте ги бадемите и излупете ги. Сомелете ги во блендер со еден литар вода и продолжете да миксирате додека смесата не стане хомогена. Процедете. По вкус може да додадете стапче ванила, каранфилче, мускатно оревче, цимет…

Придобивки – го хидрира организмот, нема лактоза, па млекото е погодно за деца кои се алергични на млечниот шеќер. Ја одржува мускулната маса и го подобрува варењето.

ОВЕСНО МЛЕКО

Потребно:

  • 1 шолја овесни зрна (полно зрно)
  • 3 шолји вода
  • Половина стапче ванила
  • Прстофат морска сол
  • Малку цимет

За почеток овесот измијте го убаво и исцедете го. Ставете го во сад и прелијте го со ладна вода и оставете да кисне 20 минути и повеќе ако имате време. Потоа, процедете го и пак убаво измијте го. Ставете го овесот во блендер и додадете ја водата. Почнете да блендирате на најмала брзина, за потоа постепено да ја зголемувате. На најголема брзина, блендерот нека работи 8-10 минути. Со помош на густа цедалка процедете го овесот и добиената течност вратете ја во блендер, повторно измиксирајте и пак процедете. На крај додадете цимет, малку морска сол и половина стапче ванила.

Придобивки – ја нормализира глукозата во крвта, го намалува лошиот ЛДЛ холестерол и го подога нивото на добриот холестерол. Го хидрира организмот и спречува опстипација.

КОКОСОВО МЛЕКО

Потребно:

  • 200гр кокосово брашно
  • ½ л вода

Во вода ставете го кокосовото брашно и оставете да отстои еден час. Смесата ставете ја во блендер и блендирајте. По желба додадете ванила. Млекото процедете го низ газа и чувајте го во фрижидер, каде можеда стои неколку дена.

НАПОМЕНА: Растителните млека не се замена за мајчиното млеко, ниту за млечната формула. Најдобро е да се користат за подготовка на смути, колачи, десерти, кашички.