Мајка на другарче на детето од парк се жали дека вашето дете го гризнало нејзиното, а слични забелешки сте слушнале и од воспитувачките во градинка?
Децата знаат да гризат други деца, па дури и нивните родители, а тоа најчесто се случува на возраст од 12 до 36 месеци, велат експертите.
Според педијатрите, децата тоа често знаат да го направат за да комуницираат, пред да прозборат, но ако вашето дете често гризе, тогаш не го игнорирајте таквото однесување.
Како да се однесувате и да го решите проблемот?
- Останете смирени и не паничете или не му викајте на детето.
- Обидете се да ја решите ситуацијата што е можно посмирено.
- Одлучно кажете му на детето „не правиме такви работи“ и смирено повторувајте го тоа секогаш кога ќе дојде до инцидент.
- Ако сфатите дека на тој начин детето се обидува да привлече внимание, обидете се да го игнорирате и обидете се да му го одвлечете вниманието со некоја поинтересна активност.
Не обидувајте се да му објасните на детето зошто не смее да ги гризе другите со долги приказни што нема да ги разбере.- Не се жалете на другите за овој проблем пред вашето дете.
- Важно е детето да разбере дека таквото однесување нема да се толерира, но и дека немате намера да му правите голем проблем.
