Кога ќе се роди бебето, рефлексот на цицање е многу изразен и цуцлата во многу случаи му помага на бебето да се смири и полесно да заспие. Тоа е еден од основните рефлекси со кои се раѓа бебето. Ова секако им одговара на возрасните, но по неколку месеци не е добро детето само да молчи со цуцла во уста.
Сè има свои граници, вклучително и употребата на цуцла, а на родителите останува да го одвикнат бебето од таа навика на која тие го навикнале.
Стоматолозите сметаат дека дете не би требало да користи цуцла по третата година, во спротивно тоа би можело да доведе до деформирање на вилицата. Според мислења на други стоматолози, на дете по 5 години, цуцла не му е потребна, а трета група смета дека тенка и мека цуцла нема да им наштети на забите на детето.
Откажувањето од цуцла на детето на строг начин, според стручњаците, носи ризик детето да почне да го цица палецот, што лошо влијае на развојот и на забите и на вилицата. Од тие причини тие споделуваат неколку совети кои ќе ви помогнат за полесно одвикнување од цуцлата.
- Дозволете му на детето да ја користи цуцлата само пред спиење
- Немојте нагло да му ја одземате цуцлата на детето
- Објаснете му на детето дека навечер доаѓа вила која остава подароци за секое дете кое ќе ја остави цуцлата
- Обидете се да му кажете на детето својата цуцла да ја подари на некое друго дете
