Започна новата учебна година и многу деца веќе оваа недела посакаа сами да одат и да се вратат од училиште. Но, кога е вистинското време за тој голем чекор?
Одговорот на ова прашање во голема мера зависи од возраста, но и од степенот на одговорност и самостојност на детето, како и од оддалеченоста на домот од училиштето. Американската академија за педијатрија вели дека децата не се подготвени сами да одат на училиште до околу 10-годишна возраст.
„Ова е, од развојна гледна точка, возраста на која повеќето деца можат да ја проценат брзината и растојанието на автомобилите што доаѓаат“, велат тие.
Без разлика дали го придружувате вашето дете до и од училиште или тоа оди само, најважно е да внимавате на сообраќајот.
Експертите исто така сметаат и дека повеќето деца до девет години не треба да бидат сами дома после училиште, како и дека децата до 13 години немаат доволно развиени капацитети да реагираат во непредвидливи ситуации, поради што не е пожелно да бидат сами подолго време
Совети за деца
- користете го само тротоарот за движење,
- поминувајте ја улицата само преку обележан пешачки премин – „зебра“,
- на места каде што има семафор, преминувајте само на зелениот знак за пешаци на семафорот,
- обавезно проверете дали има возила што доаѓаат и дури потоа зачекорете на патот,
- ако возилата минуваат непрекинато, почекајте едно од нив да застане и возачот со раката да ви покаже дека можете безбедно да го поминете патот.
Експертите исто така сметаат и дека повеќето деца до девет години не треба да бидат сами дома после училиште, како и дека децата до 13 години немаат доволно развиени капацитети да реагираат во непредвидливи ситуации, поради што не е пожелно да бидат сами подолго време.
