Маските станаа моден додаток заради пандемијата на коронавирус. Многу од нас ја имаат во различни форми и дезени, а кога станува збор за удобноста, луѓето генерално се согласуваат дека најмногу им се допаѓаат памучните маски.
Како и секое парче ткаенина, памучните маски ќе треба да се заменат со тек на времето, но голем број на луѓе се прашуваат како да знаат дека е дојден тој момент.
„Маските ќе станат се полабави со текот на времето, а со самото тоа и помалку ефикасни. Ова се случува поради редовното перење“, објаснува Џон Чан, раководител на лабораторија за тестирање, за „USA Today Reviewed“.
Како да препознаете дека вашата маска за лице е истрошена?
Експертите објаснуваат дека нема точен временски рок за тоа колку долго време треба да помине пред да се замени маската со нова, но сепак, квалитетот на маската и начинот на перење се главните фактори кои упатуваат на нејзината состојба.
„Ако маската ви изгледа премногу лабаво, заменете ја. Кога маската не е прилепена за лицето, ја губи својата ефикасност. Ако треба постојано да ја поправате додека ја носите, поедноставно е да набавите нова. Исто така, маската е зрела за замена доколку е искината, но и ако се проѕира, објаснува епидемиологот Крис Џонсон за „The Philadelphia Inquirer“.
