Ќе го набљудувате вашето дете како расте и сигурно барате сличност со некој од родителите. Ќе ѕирнеме во генетиката и ќе видиме какви особини има наследено вашето дете од својот татко, за да може тато со гордост да каже дека детето е ‘цело на него’.
Човечкото тело има 46 хромозоми кои сочинуваат 23 пара. Вашето бебе исто така има 46 хромозоми во секоја клетка, 23 од таткото и 23 од мајката. Последниот, 23-тиот пар, го одредува полот на бебето, а може да биде XX или XY. Некои гени се наоѓаат на Х-хромозомот, а некои на хромозомот Y.
Дали децата ги наследуваат истите особини од таткото и мајката?
Врежано е мислењето дека децата наследуваат 50% од своите особини од мајката и 50% од таткото, при што секој родител му дава на своето дете еднаква количина на физички и генетски особини. Но, тоа не е баш така. Истражувањата покажуваат дека таткото има предност кога станува збор за наследување на неговите особини. Дури 60% е поголема веројатноста да наследите „активни“ особини од вашиот татко, бидејќи машките гени се оние кои доминираат.
3 особини што бебето веројатно ќе ги наследи од својот татко
- Висина
Децата најчесто го наследуваат својот физички изглед од татковците. Постојат најмалку 700 генетски варијации кои се одговорни за одредување на висината. Иако оваа особина доаѓа од гените на мама и тато, постојат докази кои покажуваат дека гените на таткото играат поголема улога во наследувањето на висината.
- Пол
Мажите се одговорни за одредување на биолошкиот пол на детето. Имено, мажите даваат Y хромозом за момчиња и Х хромозом за девојчиња. Според истражувањата, машкиот Х и женскиот Х се комбинираат за да формираат девојче, а машкиот Y во комбинација со женскиот Х станува момче. Но, ако сперматозоидите немаат исти X и Y или ако се во игра други генетски фактори, тоа влијае на определувањето на полот.
Истражувањата исто така покажале дека ако во семејството на таткото доминираат машки деца, поголема е веројатноста и тој да добие момчиња.
- Ментално здравје
Ако мажот стане татко подоцна во животот, неговата сперма е поверојатно да пренесе мутирани гени кои можат да предизвикаат ментални здравствени проблеми кај неговото потомство. Но, станува збор за процент од 10-20% од случаите во кои се вклучени низа други фактори кои влијаат на менталното здравје.
Постојат многу особини кои бебињата ги наследуваат од своите татковци, како и многу особини кои можат да ги наследат од своите мајки. Но, има и многу карактерни црти кои ќе ги развиваат во текот на животот, а се условени од воспитувањето и околностите во кои растат.
