Користењето канабис за време на бременоста го зголемува ризикот од психоза кај детето

Истражувања неодамна спроведени во САД, покажуваат зголемена употреба на канабис кај бремените жени

Децата на мајки кои за време на бременоста консумирале канабис (марихуана) се изложени на зголемен ризик од развој на психоза, покажува новата студија направена на околу 4.400 деца.

Инаку, неодамна спроведени истражувања во САД, покажуваат зголемена употреба на канабис кај бремените жени.

Исто така, не треба да се заборави дека некои личности предлагаат користење на канабис како лек против мачнините во текот на бременоста. Со оглед на сѐ поголемата достапност на канабисот, многу е важно дополнително да се истражуваат потенцијалните штетни последици од неговото користење во бременоста.