Брзиот пораст на стапката на инфекции кај децата и наставниците принуди многу училишта во САД да го прекинат учењето со физичко присуство и да се свртат кон хибридни модели на образование
Во САД се хоспитализирани рекорден број деца со Ковид-19. Бидејќи повеќето деца не се доволно возрасни за да се вакцинираат, хоспитализациите може дополнително да се зголемат како што се отвораат училиштата. Лекарите и епидемиолозите повикуваат на преземање безбедносни мерки, како што се носење заштитни маски и вентилација за време на часовите.
„Гледаме поголем број на деца, особено невакцинирани адолесценти, со потежок Ковид-19 што резултира со респираторна инсуфициенција која бара интубација, а понекогаш и ЕКМО (бајпас-машина за срце-бели дробови), ARDS (многу сериозна состојба на белите дробови која се развива како резултат на воспаление поврзано со Ковид-19) и други проблеми поврзани со Ковид – сите компликации што најчесто ги гледаме кај возрасните“, вели д-р Алисон Рос Екард, професор по педијатрија
Зголемувањето на случаите на Ковид-19 кај децата во САД првенствено е поврзано со делта варијантата. Случаите на инфекција особено брзо се зголемуваат во заедниците со ниски стапки на вакцинација против Ковид-19.
Брзиот пораст на стапката на инфекции кај децата и наставниците принуди многу училишта во САД да го прекинат учењето со физичко присуство и да се свртат кон хибридни модели на образование. Ова се случува и покрај тоа што 175 експерти за детски болести се согласија претходно оваа година дека основните училишта можат да отворат со полно работно време за настава со физичко присуство.
Иако децата обично имаат поблаги симптоми на Ковид-19 од возрасните, фактот дека само неколку студии истражувале како болеста влијае врз децата значи дека многу прашања остануваат неодговорени. На пример, зошто толку многу деца се хоспитализирани со Ковид-19? Кои деца се најмногу изложени на ризик? И што можат да направат родителите и властите за да можат децата безбедно да одат на училиште?
За да одговори на овие прашања и други, „Medical News Today“ разговараше со седум лекари и истражувачи специјализирани за педијатрија и заразни болести кои работат директно со деца со Ковид-19.
Зошто се зголемуваат хоспитализациите на деца со Ковид-19?
Делта варијантата на Ковид-19 е повеќе од два пати позаразна од претходните варијанти. Со отворањето на училиштата, ова може делумно да го објасни зголемувањето на детските хоспитализации поради Ковид-19.
„Делта варијантата што кружи е заразна и децата се инфицираат почесто отколку порано за време на пандемијата“, вели Мајкл Л. Чанг, директор за педијатриско антимикробно управување на Медицинскиот факултет Мекговерн и Детската меморијална болница Херман во Тексас. „Исто така, низ целата земја, мерките за ублажување, како што се маските, редуциран престој во затворени простории, физичко дистанцирање, итн., сите завршија во исто време“.
„Повеќето од нашите хоспитализирани пациенти со Ковид-19 се невакцинирани тинејџери. Многу од овие тинејџери се доста болни, а единствените нивни фактори на ризик се дебелината и/или астмата“, вели д-р Даниел Зер, шеф на одделот за детски инфективни болести и вонреден професор по епидемиологија на Универзитетот во Вашингтон
„Сега, имате позаразна варијанта со помалку рестриктивни мерки. Со зголемениот број случаи, за жал, ќе видите повеќе хоспитализации. Како пример, ако на 2% од децата им е потребна хоспитализација, тогаш тоа е голема разлика помеѓу 2% од 10.000 случаи наспроти 2% од 100.000 случаи“, додаде тој.
Друга причина за зголемување на хоспитализациите на Ковид-19 кај децата може да биде тоа што оние на возраст под 12 години се уште уште не можат да ја добијат вакцината.
„Вакцините остануваат ефикасни во спречување на тешки заболувања, хоспитализација и смрт од инфекција, дури и инфекција со делта сој“, вели Кристин Мофит, експерт за инфективни болести во Бостонската детска болница. „Ова е во согласност со извештаите дека огромното мнозинство хоспитализации и смртни случаи за време на неодамнешниот пораст се случуваат кај невакцинирани лица“.
Децата со основни медицински состојби, како што се вродени срцеви заболувања или генетски, невролошки или метаболички состојби, може да имаат зголемен ризик од сериозни последици од Ковид-19. ЦДЦ наведува дека овој поголем ризик важи и за деца со обезност, дијабетес, астма, хронични белодробни заболувања, српести заболувања или имуносупресија
„Бидејќи децата под 12 години се уште не се во можност да се вакцинираат, а многу адолесценти и млади возрасни лица остануваат невакцинирани во однос на постарите лица, оваа возрасна група сочинува поголем дел од оние кои се изложени на ризик од тешки болести, врз основа на нивниот невакциниран статус“, додаде таа.
„Во почетокот на пандемијата, оние над 65 години имаа потешки заболувања и хоспитализација. Сега, кога оваа возрасна група има поголем процент на вакцинирани лица, товарот на болеста ќе се види кај помладата, невакцинирана популација“, рече д-р Адријана Кадила, педијатриски специјалист за инфективни болести во Детската болница Немурс во Орландо, Флорида. „Во Флорида во текот на изминатиот месец имаше четирикратно зголемување на инфекциите со SARS-CoV-2 кај деца“, додаде д-р Кадила.
Дали делта варијантата е поопасна од претходните соеви за децата?
Иако бројот на случаи на Ковид-19 кај децата се зголемува побрзо сега отколку во кое било друго време во пандемијата, не е јасно дали делта варијантата е потешка за децата од претходните варијанти.
„Не знаеме дали делта варијантата предизвикува потешка болест кај децата од претходните варијанти, но дефинитивно е позаразна“, вели д-р Чанг.
„Постојат некои индикации кои сугерираат дека Ковид-19 од делта варијантата е потежок кај децата отколку претходните соеви“, вели д-р Алисон Рос Екард, професор по педијатрија и медицина на Медицинскиот универзитет во Јужна Каролина.
„Гледаме поголем број на деца, особено невакцинирани адолесценти, со потежок Ковид-19 што резултира со респираторна инсуфициенција која бара интубација, а понекогаш и ЕКМО (бајпас-машина за срце-бели дробови), ARDS (многу сериозна состојба на белите дробови која се развива како резултат на воспаление поврзано со Ковид-19) и други проблеми поврзани со Ковид – сите компликации што најчесто ги гледаме кај возрасните“, продолжи таа.
„Можеби зголемениот број хоспитализации кај децата е резултат на двата фактори – повеќе случаи во комбинација со поголема шанса за тешка болест. Потребни се повеќе податоци за да се утврди точната причина(и) зад она што го гледаме“, додаде таа.
Кои деца се изложени на поголем ризик од Ковид-19?
ЦДЦ вели дека децата со основни медицински состојби, како што се вродени срцеви заболувања или генетски, невролошки или метаболички состојби, може да имаат зголемен ризик од сериозни последици од Ковид-19.
ЦДЦ наведува дека овој поголем ризик важи и за деца со обезност, дијабетес, астма, хронични белодробни заболувања, српести заболувања или имуносупресија.
Со зголемениот број случаи, за жал, ќе видите повеќе хоспитализации. Како пример, ако на 2% од децата им е потребна хоспитализација, тогаш тоа е голема разлика помеѓу 2% од 10.000 случаи наспроти 2% од 100.000 случаи
„Децата кои се изложени на поголем ризик од негативни последици од Ковид-19 се оние под 1 година, оние со основни медицински состојби и оние со имунокомпромитирачки состојби, вклучително и оние кои примаат лекови за имунокомпромитирање“, вели д-р Тина К. Тан, медицински директор во Детската болница „Ен и Роберт Х. Лури“ во Чикаго.
„Децата, исто така, може да развијат потешка болест, што резултира со потреба за хоспитализација, но со помала стапка од оние со основни или имунокомпромитирачки состојби“, додаде таа.
„Повеќето од нашите хоспитализирани пациенти со Ковид-19 се невакцинирани тинејџери. Многу од овие тинејџери се доста болни, а единствените нивни фактори на ризик се дебелината и/или астмата“, вели д-р Даниел Зер, шеф на одделот за детски инфективни болести и вонреден професор по епидемиологија на Универзитетот во Вашингтон.
Д-р Чанг ги повтори овие изјави, велејќи дека тинејџерите со индекс на телесна маса од 25 или повеќе и доенчиња под 1 година имаат поголем ризик од хоспитализација.
„Многу семејства мислат дека нивните деца се здрави и затоа не се изложени на ризик од тешка болест Ковид-19“, рече д-р Екард. „Иако тоа е статистички точно, не можеме секогаш да предвидиме кои деца ќе развијат тешка болест, а децата (без основни болести) понекогаш развиваат тешка болест“.
„Покрај тоа, некои деца се здрави, но можеби имаат потреба од инхалатор неколку пати годишно, или семејствата на некои деца не сфаќаат дека се со прекумерна тежина. Значи, понекогаш постои заблуда за ризикот на детето. Затоа, многу е важно секое семејство да разговара за здравствената состојба на своето дете со своите лекари од примарна здравствена заштита за да се осигура дека сите деца се соодветно заштитени“, вели д-р Алисон Екард.
„Се уште учиме што предизвикува некои деца да развијат потежок Ковид-19 од другите, но важно е да се знае дека совршено здравите деца можат да развијат тежок облик на болеста“, вели д-р Елизабет Мек, медицински директор за педијатриска критична медицинска нега на Медицинскиот универзитет во Јужна Каролина.
Д-р Мек, исто така, истакна дека ризикот од смрт од тежок Ковид-19 останува како можност дури и за деца без основни медицински состојби.
Извор: Medical News Today
Во утрешното продолжение: Можат ли вакцините против Ковид-19 за деца да помогнат и како да се спречи ширењето на SARS-CoV-2 кај децата
