Британска студија сугерира дека Ковид-19 предизвикува долгорочни оштетувања на органите кај хоспитализираните пациенти.
„Оваа студија докажа дека Ковид-19 не ги оштетува само белите дробови, туку и срцето, мозокот и бубрезите“, рече д-р Мангала Нарасимхан.
За време на просечното следење од 140 дена, скоро една третина од пациентите со Ковид-19 биле повторно примени во болница, а едно од десет лица починало, открива студијата
- Таа истакна дека отпуштените пациенти треба правилно да се информираат за да знаат кога треба да побараат медицинска помош доколку се појават некои абнормалности
Британски тим на истражувачи открил дека Ковид-19 предизвикува сериозни респираторни проблеми, но дека исто така оштетува и други органи, вклучително и срцето, бубрезите и црниот дроб.
Студијата опфатила 47.700 пациенти заболени со Ковид-19, а просечната возраст изнесувала 65 години.
Истражувачите ги следеле стапките на реадмисија и повторен прием во болница, и смртни исходи кај заболените пациенти и во контролната група, пренесува WebMD. Тие исто така ги следеле сите нови дијагнози на респираторни, кардиоваскуларни, метаболички, бубрежни и заболувања на црниот дроб во обете групи до крајот на септември 2020 година.
За време на просечното следење од 140 дена, скоро една третина од пациентите со Ковид-19 биле повторно примени во болница, а едно од десет лица починало, открива студијата. Истражувачите исто така откриле дека стапките на нови дијагнози на респираторни заболувања, кардиоваскуларни заболувања и дијабетес кај пациенти со Ковид биле 27,3 односно 1,5 пати поголеми од оние забележани во контролната група.
