Макароните во исхраната на бебето може да се воведат по 8. месец од животот, кога веќе се внесени сите житраки, вклучувајќи и гриз и откога е утврдено дека бебето нема алергија и дека не е интолерантно на глутен. Повеќето макарони се прават од пченица. Доколку постои семејна историја на интолерантност на глутен или алергија, почекајте со воведувањето на макароните во бебешката исхрана и консултирајте се со педијатар.
Макароните се високо нутритивни и повеќето се богати со одредени минерали и витамини, а содржат и јаглехидрати. Умерената количина на внесени јаглехидрати му обезбедуваат на организмот дополнителна енергија, која на децата во периодот на растење им е неопходна.
Една проција макарони во просек содржи 200 калории, 7гр протеини, 1гр масти, околу 42гр јаглехидрати, но и околу 15мг калциум, 2,5мг железо, како и магнезиум, фосфор, калциум, цинк, витамин Б6 и Б12, витамин А, ниацин, тиамин…
Макароните едноставно се подготвуваат, во варење во зовриена вода во која треба да се готват од 6 до 14 минути, зависно од типот на макароните.
