Една мала студија спроведена во Израел покажала дека антителата кон Ковид-19 се наоѓаат и во млекото на доилките кои ја примиле вакцината. Истражувањето било спроведено на примерок од 10 доилки, а во организација на Универзитетот во Тел Авив и Медицинскиот центар Сураски.
За време на истражувањето четири пати биле земени примероци од крв и млеко од доилките, кои ги примиле и двете дози на вакцината против коронавирус.
Истражувањето покажало дека антителата кон Ковид-19 се наоѓаат и во млекото на доилките кои примиле вакцина. Десетте жени кои доеле имале антитела во млекото по првата доза од вакцината, а нивото се зголемило едно недела по примање на втората доза.
Израел ги советува и доилките и бремените жени да се вакцинираат против Ковид-19
Истражувачите истакнуваат дека нивото на антитела кои се наоѓаат во млекото, би можело да биде доволно за да се заштитат бебињата од коронавирус.
Израел ги советува доилките и бремените жени да се вакцинираат против Ковид-19. Од болеста веќе има починато трудници, а десетици други доживеале сериозни инфекции, од кои некои довеле и до итни царски резови или мртвородени деца.
Иако вакцините во моментов не се одобрени за деца, премиерот Бенјамин Нетанјаху во понеделникот изјави дека контактирал со „Фајзер“ и компанијата наскоро ќе објави вакцина која е дозволена, пишува „Тајмс оф Израел“.
