МАЛИ ХЕРОИ, РОДЕНИ ПОБЕДНИЦИ: Денес е нивниот ден – 17 Ноември, Светски ден на прематурчињата (фото)

Светскиот ден на предвремено родените деца е глобално движење за подигнување на свеста за предвремено породување и понекогаш погубното влијание што може да го има врз семејствата

Ништо не може да ги подготви родителите за тоа како изгледа да се има бебе на неонатална интентензивна нега.

17 Ноември, Светскиот ден на предвремено родените деца е глобално движење за подигнување на свеста за предвремено породување и понекогаш погубното влијание што може да го има врз семејствата. Тажно, но околу 15 милиони бебиња се раѓаат предвреме секоја година и од овие бебиња, еден милион не преживуваат. Предвременото породување е водечка причина за смрт кај деца под пет години.

Прематурчињата се вистински херои, родени победници. Единствената разлика од терминските бебиња е општата незрелост на органите и системите кои се важни за живот. Иако родени предвреме, подоцна ги стигнуваат врсниците и во ништо не се разликуваат од нив. Во продолжение, погледнете дел од фотографиите кои најдобро зборуваат за нивната победа.