Дали сте забележале дека некои мајки изгледаат многу задоволно и сигурно во улогата на мајка, а некои се хронично уморни и на раб на нервен слом? Како првите успеваат да останат смирени, а вторите реагираат и на најмал стрес?
Иако секоја жена е различна, можно е да се издвојат неколку зеднички елементи кои на мајките им помагаат да останат опуштени. Тие:
Ги поедноставуваат обврските
Некои мајки на пример купуваат исти намирници секоја втора недела, следејќи составено двонеделно мени. На тој начин си олеснуваат себе си и на семејството, бидејќи готват она што на сите им се допаѓа, штедејќи време и избегнувајќи расправии на маса. Иако е здраво да се воведува ново и на децата да им се нудат различни јадења, не треба во тоа да се претерува. Ваквата организација може да многумина да им помогне во избегнување на ситуации кога не знаат што да зготват. И тоа е само еден пример.
Ги учат децата да бидат независни
Ова секако не значи да ги пуштат да прават што сакаат. Мудра мајка знае дека дете на две години може да ја стави својата чинија во садопер или во машина, на четири години само да си го намачка лебот и да стави парче кашкавал на него, а на седум години дека може да го помине подот со џогер. Секако дека не треба да се очекува совршенство. Доволно е да набљудувате што може да направи вашето дете и ќе знаете кои задачи може да му ги зададете. Наречете го тоа, добра организација на работата.
Немаат комплекс на супермајка и им веруваат на своите инстикти
Заедничка карактеристика на задоволните мајки е да не расправаат баш за секоја ситница со детето. Инсистираат на важни работи. Врзување појас во кола? Нема дијалог, задолжително е. Кратки ракави среде зима? Може, но преку маица со долги ракави – керативен одговор.
Често велат “и тоа ќе помине“
Тоа не значи дека треба да се игнорира непослушно однесување, дисциплината секогаш се исплатува, туку дека овие мајки знаат дека поголемиот дел од детското “нецивилизирано однесување“ едноставно ќе исчезне со созревањето. Мудрите мајки се свесни за развојот на детето и не очекуваат од него, нешто што е надвор од неговите можности.
Мислат на себе
Тие нема да го обвинуваат раѓањето на детето за вишокот килограми и две години подоцна. Мислат на здрава исхрана, се одмараат редовно и вежбаат. Знаат дека витката линија не паѓа од небо.
Уживаат во моментот
Задоволните мајки знаат дека денот е долг, а годината кратка. Ги спуштиле своите очекувања и тука се кога работите ќе се искомплицираат. Кога детето е болно нема да се грижат како изгледа домот, па лошиот ден ќе стане убаво сеќавање на часови поминати во читање и галење со детето.
