МИТОВИ ЗА РОДИТЕЛСТВОТО: Нема потреба да се чувствувате лошо ако не правите како и сите, важно е да се слушате себеси

Во еден момент читаме како децата треба да имаат распоред и рутина, а во следниот дека не треба да ги држиме под стеги, туку да им дадеме слобода. Вакви примери има милион.

Постојано наидуваме на совети како да се биде совршен родител и како да ги воспитуваме децата на правиот начин. Така што не е чудо кога родителите се чувствуваат како нешто да грешат. Во еден момент читаме како децата треба да имаат распоред и рутина, а во следниот дека не треба да ги држиме под стеги, туку да им дадеме слобода. Вакви примери има милион.

За сите како родители да се чувствуваме малку подобро, важно е да се разбијат некои митови, а овие пет крајно време е да се заборават.

Се мора да биде фер

“Кога бев мала, добивавме пари како награда во зависност од оценките. Јас ќе добиев 1000 денари оти бев одлична, а брат ми 500, по заслуга. Потоа брат ми ќе се пожалеше, мајка ми ќе се сожалеше и ќе му дадеше уште, за да биде фер, иако немаше добри оцени“, објаснува една мајка. Ако едното дете го наградуваме во некој момент, тоа не значи дека токму тогаш мораме исто да го наградиме и другото. Не е поентата само да се биде фер и еднаков родител. Важно е да се почитува секое дете како индивидуа.

Треба да ти биде лесно да ги сакаш децата

Овој мит понекогаш ги тера жените да се чувствуваат многу лошо по прашање на мајчинството. Секако дека ги сакаме децата и тука нема сомнеж. Сепак, понекогаш се бориме и тешко ни е да ја покажеме таа љубов. Не затоа што таа не постои, туку затоа што моментално не сме во таков период. Се е тоа нормално и не треба да се чувствувате како лош родител. Такви моменти се јавуваат и во разни односи меѓу луѓето.

  • Секогаш мораш да му бидеш достапна на детето

“кога ќерка ми порасна, престанав да реагирам на секој нејзин повик. Не ја игнорирав, но го правев она кое во тој момент сум го почнала. Не прекинував само за да се свртам кон детето на секоја ситница. Мислам дека треба да знае дека понекогаш не сум достапна. Треба да биде сама во некои моменти“, вели една мајка.

Доколку на детето постојано му го пружаме нашето внимание, тоа нема да развие чувство на независност. Притоа и вие ќе имате време да завршите некои други работи, а детето ќе учи да биде самостојно.

  • Треба на детето да му ги овозможите сите можни искуства

Кога ги гледаме социјалните мрежи, изгледа како да сме пропуштиле многу да му обезбедиме на детето. Некои родители организираат огромни забави, патуваат на егзотични места или прават нешто што ние не го правиме. Ние не сме неуспешни родители ако детето се уште не видело егзотична дестинација или не се возело со авион.

  • Добар родител е само оној кој се жртвува

Апсолутно неточно! Среќен човек е добар родител. И вие треба да испиете кафе, треба да одвоите време за себе, за средба со пријателка или тренинг. Важно е да ги исполните потребите на детето, но неопходно е и да се грижите за вашите.

Ќе бидете многу подобар родител ако сте добри со себе. Важно е да се чувствувате добро, да не бидете нервозни, да соберете енергија и да уживате во моментите.