Вонматеричната бременост уште е позната и како ектопична, а доколку не се препознае навреме може да биде опасна по животот на жената. Ектопичната бременост не е многу честа, но се смета за сериозна состојба. Според статистиките, приближно 1-2 % од сите бремености се ектопични. Како што предупредуваат гинеколозите, симптомите на ектопична бременост често остануваат незабележани бидејќи не е секогаш лесно да се препознаат.
Сепак, постојат некои предупредувачки знаци кои ниту една трудница не смее да ги игнорира, според клиниката Мајо. Некои од најраните симптоми кои може да укажуваат на ектопична бременост и бараат посета на лекар вклучуваат: отсуство на менструација, силни болки во стомакот, кои обично се на едната страна, вагинално крвавење кое не е менструација, болка во рамената и вратот, некои симптоми на бременост како гадење или замор.
Важно е секоја жена со сомнеж за ектопична бременост да побара веднаш медицинска помош, бидејќи раната дијагноза и лекување се клучни за спречување на сериозни компликации.
