Најчести дилеми по породувањето

Доколку доите, пролактинот кој го регулира лачењето на млеко е висок и не дозволува појава на менструација, па во повеќето случаи, циклусот се враќа дури кога ќе престанете со доење или кога ќе се намали лактацијата.

Без разлика на начинот на породувањето, вагиналното крварење е нормална појава, бидејќи од матката се отфрлаат остатокот од крвта и епител. Бојата на почетокот е  светло црвена до кафена, а околу 10-тиот ден се јавува и белкаст секрет.

Крварењето треба комплетно да престане три до четири недели по породувањето, а доколку забележите дека секретот има непријатен мирис или се јавува згрутчена крв, постои опасност да е заостанат дел од ткивото на постелката, па во овој случај веднаш контактирајте го вашиот лекар.

Во првиот месец кога се јавува крварењето и обилна секреција, треба да користите специјални влошки кои вас најдобро ќе ве заштитат. Тампоните треба да се одбегнуваат, бидејќи постои голема опаснот од инфекција.

Кога ќе ја добијам првата менструација по породувањето?

Доколку доите, пролактинот кој го регулира лачењето на млеко е висок и не дозволува појава на менструација, па во повеќето случаи, циклусот се враќа дури кога ќе престанете со доење или кога ќе се намали лактацијата. Меѓутоа, ако не доите, менструацијата се враќа по 4 недели по породувањето, а некогаш и порано.

Можам ли да забременам пред да ми се врати циклусот?

Нормално. Иако се смета дека доењето е еден начин на контрацепција, поради што мајките кои дојат немаат менструално крварење, овој метод не делува 100%  па подобро е да се консултирате со вашиот лекар кои видови на контрацепција се препорачуваат по породувањето.

Како да избегнам констипација по породувањето?

Фактот е дека кај повеќето жени непосредно по породувањето се јавуваат проблеми со цревата, сепак овие непријатности може да потраат и подолго време. Причинители може да бидат разни, а еден од причините е страв да се оди во тоалет поради хируршкиот рез по породување (епизиотомија).

За да ги избегнете проблемите со варењето на храната, јадете намирници богати со витамини (овошје, зеленчук, житарки), конзумирајте доволно количина на вода (се препорачува внесување на околу три литри течност по породувањето), а подоцна можете да ви помогнат лесни вежби.

 

Чувствувам болка во пределот на вагината по породувањето. Дали е тоа нормално?

Се случува да чувствувате болка и блага отеченост во пределот на вагината по породувањето. Во тој случај придржувајте се на неколку совети за да ги намалите непријатностите:

  • Носете удобна облека и памучна долна облека
  • Често менувајте ги влошките како би спречиле појава на инфекција
  • Обидете се да ја спречите констипацијата така што ќе јадете храна богата со влакна и ќе пиете доволно количина на вода
  • Може да почнете полека со вежби неколку недели по породување (кај царскиот рез почекајте да поминат барем 6 недели), освен ако вашиот лекар не ви препорачал нешто поинаку
  • Информирајте го вашиот лекар доколку чувствувате одредени непријатности во пределот на гениталиите

Зошто чувствувам пецкање кога одам во тоалет?

Постои веројатност да имате гребатини во пределот на вагиналниот отвор кои причинуваат пецкање за време на мокрење во првите неколку дена по породувањето. Обидете се да водите грижа за хигиената и да пиете доволно количество на течност. Меѓутоа, доколку пецкањето продолжи подолг временски период, постои веројатност да имате уринарна инфекција. Симптомите покрај пецкањето се честа потреба за мокрење, матна мокрача, малку зголемена температура, па доколку ги забележите овие знаци, веднаш информирајте го вашиот лекар.