Од Велика Британија доаѓаат интересни статистички податоци, каде неверојатни 68 проценти од трудниците се шминкаат пред или непосредно по донесувањето на свет на детето. Ваквиот тренд станува сè попопуларен, а примарна желба на новопечените мајки е да бидат дотерани за првата заедничка фотографија со бебето.
Подоцна овие фотографии ги објавуваат на социјалните мрежи, а оттаму всушност се и започна. Имено, за овој тренд се „виновни“ бјути блогерките и модни инфлуенсерки, кои веднаш по породувањето објавуваат фотографиите на кои се беспрекорно нашминкани.
Инаку, истражувањето во Велика Британија покажало дека испитаничките кои се на возраст меѓу 18 и 31 година често одат на различни козметички третмани пред да дојдат во родилиште – депилација, бронзен тен, надградба на трепки или тремани на лице. Повеќето од нив изјавиле дека тоа го прават за подобро да изгледаат пред семејството и пријателите кои доаѓаат да ги посетат, но и за да не изгледаат уморно и исцрпено. Сепак, најголемиот процент од испитаниците велат дека тоа го прават за да изгледаат добро на фотографиите, кои секако потоа ги споделуваат на социјалните мрежи.
