Австралиско истражување покажало дека лицата заразени со новиот коронавирус SARS-CoV-2 имаат имунолошка меморија за да се заштитат од повторна инфекција најмалку осум месеци. Инаку, претходните студии укажуваа дека заболените од КОВИД-19 можат брзо да го изгубат имунитетот откако ќе се опорават од болеста.
Откако телото успешно ќе се одбрани од инфекцијата, некои имунолошки клетки кои биле дел од одбраната, се претвораат во “мемориски“ клетки кои го помнат вирусот или бактеријата против кои се бореле. Тие клетки живеат во телото долго време и пружаат нацрт на имуниот систем за борба против идните инфекции со истите патогени.
Ова истражување покажало дека нивото на антитела навистина покажуваат значаен пад околу 20 дена по појавата на симптомите на болеста. Но, нивото на мемориските Б клетки продолжило да расте дури 150 дена, што укажува дека телото останало подготвено и способно брзо да исфрли антитела специфични за вирусот, кога ќе се соочи со идната инфекција.
Треба да се истакне дека резултатите покажале дека во примероците земени 242 дена по појавата на симптомите, се пронајдени мемориски Б клетки специфични за КОВИД-19.
Со оглед дека КОВИД-19 постои нешто повеќе од една година, стручњаците се уште не можат точно да кажат колку долго ќе трае таквата имунолошка заштита.
Се смета дека ова откритие укажува дека вакцините против КОВИД-19 ќе создадат траен имунитет. Но, и натаму постои можност дека луѓето на ќе им треба редовна вакцинација против КОВИД-19, исто како што постои годишна вакцинација против грип.
(Science Immunology)
