Според мислењето на стручњаците за здравје и безбедност, еден брз и едноставен оброк кој родителите со задоволство им го сервираат, е одговорен за дури еден од шест случаи на гушење кај малите деца.
Европската агенција за безбедност на храната, минатата недела направи попис на најопасните намирници за мали деца, а на самиот врв се наоѓа хот догот, односно виршлата. Од тие причини, стручњаците предупредуваат, ако на мали деца им послужувате виршли, задолжително претходно излупете ги, односно тргнете ја кожичката и исечкајте ги на мали парчиња.
Токму хот догот, односно виршлата во него, е причина за 17% од случаите на гушење кај помалите деца. По нив, се тврдите бомбони, кои предизвикуваат 10% од случаевите, па грозјето со 8% и оревите со 8%.
Останатите намирници кои може да претставуваат опасност од гушење се пуканки, бел леб, крекери или колачи со ориз, семки, парчиња сирење, суров зеленчук, гуми за џвакање, пилешко со коски и овошје како што се јаболка, портокал, цреши и лубеница.
Во просек само во Велика Британија 351 лице годишно умираат од гушење, а стотици завршуваат хоспитализирани на лекување. Од тие, годишно 40. деца се помлади од 5 години.
