Направете домашен пластелин

Еве совет како да направите домашен пластелин и да го искористите времето за креативна игра со децата.

Пластелинот се препорачува за деца на возраст од над две години, бидејќи помага во развојот на фината моторика. Еве совет како да направите домашен пластелин и да го искористите времето за креативна игра со децата.

Природниот пластелин се добива од основни намирници кои ги имате дома. За подготовка на домашен пластелин потреби ви се следниве состојки:

  • 2 шолји брашно
  • 2 шолји вода
  • 1 мала шолја сол
  • 1 голема лажица масло
  • Две мали лажички лимонтус
  • Боја по желба

Најнапред во посебен сад измешајте ги брашното, солта и лимонтусот, за подобро да се соединат сувите состојки. Во тенџере ставете ја водата со маслото. Состојките прво измешајте ги, а потоа загрете ја ринглата. Масата варете ја на тивок оган со постојано мешање. По неколку минути масата ќе почне да се стврднува. Со време се потешко ќе се меша, но бидете трпеливи. Штом масата престане да се лепи по прстите, исклучете го шпоретот и помнете на следниот дел.

Тестото извадете го од тенџерето и месете го додека масата е уште топла, за состојките полесно да се соединат. Поделете го тестото на четири дела, а потоа направете мали топчиња. Со палецот направете дупка во средината на секоја топка – правете го тоа на хартија за печење. Земете боја по желба и капнете во дупката и внимателно месете. Најдобро е да користите ракавици. При земање на секое ново топче тесто користете нова хартија за печење. Може да користите и ароми – од јагода, малина, лимон.

Тестото кое ќе послужи како игра за детето може да го зачувате во пластична ќеса или во проѕирна фолија, и пак да го користите. Со секојдневна игра, домашниот пластелин може да трае и до еден месец, а ако се користи поретко и до три месеци.