Резултатите од новата студија на Универзитетот во Глазгов Каледонијан покажаа дека редовната физичка активност го зајакнува имунитетот, го намалува ризикот од болести и смрт од заразни болести и значително ја зголемува ефикасноста на вакцинацијата.
30 минути вежбање пет дена во неделата го намалува ризикот од заболување и смртен исход од заразни болести за 37 проценти
Покрај тоа, ако редовно вежбате, шансите да имате повеќе антитела од некој што е помалку физички активен е дури 50 проценти, тврдат британските научници.
Веќе е познато дека физичката активност е еден од најефикасните начини за спречување на хронични заболувања, заедно со здравата исхрана и одвикнувањето од пушењето. Студија од 2008 година покажала дека физичката неактивност е одговорна за повеќе од пет милиони предвремени смртни случаи секоја година, пишува „Индипендент“.
Истражувањето на професорот Себастијан Частин и неговите колеги од Универзитетот во Глазгов Каледонијан, ги вклучило сите достапни докази што го поврзуваат ефектот на физичката активност и ризикот од морбидитет и морталитет од заразни болести како што се пневмонија (честа причина за смрт од Ковид 19), врз функционирањето на имунолошкиот систем и на исходот од вакцинацијата.
Частин објасни дека студијата е спроведена многу порано, на самиот почеток на пандемијата и не вклучува истражувања поврзани со Ковид-19, но тврди дека наодите се многу релевантни за одговор на актуелната пандемија.
Постојат три механизми што ја прават физичката активност ефикасен лек против заразни болести. Пред сè, таа штити од ризик факторите за развој на тешка и фатална инфекција. Физички активните луѓе имаат помала веројатност да развијат дебелина, дијабетес и респираторни и кардиоваскуларни заболувања. Епидемиолошките студии покажале дека луѓето кои страдаат од овие состојби потешко го поднесуваат Ковид-19 и останатите респираторни заразни болести
„Нашите откритија се важно откритие за потенцијално дејствување и одговор на пандемијата во иднина“, рече Частин, додавајќи дека достапноста на вакцините влева надеж за скоро завршување на пандемијата.
Врз основа на шест одделни студии, во кои биле вклучени повеќе од половина милион учесници, се покажало дека 30-минутна физичка активност, пет дена во неделата, го намалува ризикот од заболување и смртен исход од заразни болести за 37 проценти.
„Исто така, пронајдовме и сигурни докази дека редовната физичка активност го зајакнува имунитетот. Преку 35 независни рандомизирани контролирани испитувања, златен стандард за научни докази, докажано е дека редовната физичка активност резултира со покачени нивоа на имуноглобулини (антитела) IgA“.
Имуноглобулините (антитела) се протеински молекули создадени од имунолошкиот систем како одговор на влегувањето на туѓа супстанца во телото (антиген). Постојат пет класи на имуноглобулини: IgA, IgM, IgG, IgE и IgD.
Во рандомизираните контролирани испитувања спроведени од Частин и неговите колеги, се покажало дека вакцините биле поефикасни доколку се даваат по спроведување на програма за физичка активност. Имено, кај физички активните луѓе забележана е дури 50 проценти поголема веројатност да развијат поголем број на антитела по приемот на вакцината во споредба со оние кои не се физички активни.
Како физичката активност го потиснува развојот на болеста
Постојат три механизми што ја прават физичката активност ефикасен лек против заразни болести.
Резултатите од новата студија на Универзитетот во Глазгов Каледонијан покажаа дека редовната физичка активност го зајакнува имунитетот, го намалува ризикот од болести и смрт од заразни болести и значително ја зголемува ефикасноста на вакцинацијата
Пред сè, таа штити од ризик факторите за развој на тешка и фатална инфекција. Физички активните луѓе имаат помала веројатност да развијат дебелина, дијабетес и респираторни и кардиоваскуларни заболувања. Епидемиолошките студии покажале дека луѓето кои страдаат од овие состојби потешко го поднесуваат Ковид-19 и останатите респираторни заразни болести.
Не треба да се заборави дека физичката активност го намалува стресот и хроничното воспаление, што повторно влијае на помала веројатност за развој на инфекции со фатален исход. Повеќето смртни случаи на Ковид-19 и пневмонија се резултат на неконтролиран воспалителен одговор на организмот. И, конечно, ако сме физички активни, нашиот имунолошки систем е посилен и поотпорен, пренесува „Хина“.
