Децата стануваат приоритет во животот на своите мајки, и не им оставаат доволно време тие да се фокусираат на себе и на своите потреби. Со самото тоа, тие немаат време за одмор и за нега. Неретко и се чувствуваат виновни ако одвојат време за себе за да се одморат и да соберат енергија за идни предизвици.
Но, експертите тврдат дека мајките не треба така да се чувствуваат, туку би требало да тежнеат кон тоа да “земаат“ одмор од децата барем еднаш годишно. Така ќе одморат од извршувањето на домашните обврски, грижата за децата и ќе имаат неколку дена во кои ќе се фокусираат само на себе.
Доколку мајката добие простор и време за себе, веднаш ќе биде поодморна и порасположена, што ќе доведе до подобра атмосфера во семејството. Децата ќе ја ценат мајката повеќе кога ќе бидат свесни дека таа не може постојано да биде тука за нив. Со самото тоа, тие едвај ќе чекаат таа да се врати дома.
